காரிமங்கலம் அருகே கள்ளக்காதலியை உயிரோடு எரித்து கொலை!!!!

காரிமங்கலம்:
காரிமங்கலம் அருகே கள்ளக்காதலியை உயிரோடு எரித்து கொலை செய்த தொழிலாளி போலீஸில் பரபரப்பு வாக்கு மூலம் கொடுத்துள்ளார்.

காரிமங்கலம் அருணேஸ்வரர் மலைக்கோவில் வசிப்பவர் கல் உடைக்கும் தொழிலாளி முருகன். இவரும் அதே பகுதியை சேர்ந்த கிருஷ்ணம்மாள் (26) என்ற விதவை பெண்ணும் திருமணம் செய்யாமல் குடும்பம் நடத்தி வந்தனர். சில ஆண்டுக்கு முன் ஓசூரை சேர்ந்த முருகம்மாள் என்பவரை முருகன் திருமணம் செய்து கொண்டார். கடந்த சில நாட்களுக்கு முன் கிருஷணம்மாள் உடல் கருகிய நிலையில் தர்மபுரி அரசு மருத்துவமனையில் சேர்க்கப்பட்டு இறந்தார். இதுகுறித்து காரிமங்கலம் போலீஸார் வழக்குப்பதிவு செய்து விசாரித்தனர். விசாரணையில், கிருஷ்ணம்மாளின் உடலில் மண்ணெண்ணெய் ஊற்றி உயிரோடு எரித்து கொலை செய்தது முருகன் என்பது தெரிந்தது. முருகனை போலீஸார் கைது செய்தனர். கொலை தொடர்பாக முருகன் போலீஸில் கொடுத்துள்ள வாக்குமூலம் வருமாறு: நான் வேலைக்கு சென்ற போது ஹோட்டலில் வேலை பார்த்த விதவைப்பெண் கிருஷ்ணம்மாளுடன் பழக்கம் ஏற்பட்டது. பின்னர் அவரை திருமணம் செய்யாமல் குடும்பம் நடத்தி வந்தேன்.

இந்நிலையில் ஓசூருக்க வேலைக்கு சென்ற போது முருகம்மாள் என்பவரிடம் பழக்கம் ஏற்பட்டது. இவரை முறைப்படி திருமணம் செய்து கொண்டேன். பின்னர் இருவரையும் அருகருகே வீடு எடுத்து தங்கவைத்தேன். கடந்த ஒரு மாதமாக முருகன் கோவிலுக்கு விரதம் இருந்தேன். இதனால் ஒரு மாதத்துக்கு கிருஷ்ணம்மாள் வீட்டுக்கு செல்லவில்லை. விரதம் முடித்துவிட்டு கடந்த 18ம் தேதி கிருஷ்ணம்மாள் வீட்டுக்கு சென்றேன். பின்னர் அங்கு சில மணிநேரம் இருந்து திரும்பினேன். ஒரு மாதம் கழித்து தான் இங்கு வந்துள்ளீர்கள். ஆகவே என்னுடன் தங்க வேண்டும் என்று கிருஷ்ணம்மாள் பிடிவாதமாக இருந்தார். 18ம் தேதி திருமணநாள் என்பதால் மனைவி முருகம்மாள் இங்கு தங்க அனுமதிக்கவில்லை. இதனால், கிருஷ்ணம்மாளுக்கும் எனக்கும் வாக்குவாதம் ஏற்பட்டது. இதில், ஆத்திரமடைந்து அவரது உடலில் மண்ணெண்ணெய் ஊற்றி உயிரோடு எரித்தேன். இவ்வாறு கூறியுள்ளார்.