அமெரிக்க பள்ளியில் தமிழ்!

ஆமாம், அமெரிக்காவிலுள்ள கலிபோர்னியா மாகாண பள்ளியில் தமிழ் மொழியானது, மொழிப்பாடங்கள் பட்டியலில் சேர்க்கப்பட்டுள்ளது. இதை சாத்தியமாக்கிய பெருமைக்கு சொந்தக்காரர் வெற்றிச்செல்வி. ‘‘சொந்த ஊரு மதுரை பக்கத்துல சிங்கம்புணரி. கணவர் பேரு ராஜமாணிக்கம். அவருக்கு அமெரிக்காவுல வேலை கிடைச்சது. அதனால அங்கயே செட்டிலாகிட்டோம். அமெரிக்கா போனதுமே ஒரு விஷயம் மனசை பாதிச்சது. அமெரிக்காவுலயே பிறந்து வளர்ந்த தமிழ் குழந்தைங்களுக்கு தமிழ் மொழியே தெரியல. அவங்களுக்கு தமிழ் கற்றுக் கொடுக்கவும் ஆள் இல்ல. இதுக்கு ஏதாவது செய்யணும்னு முடிவு பண்ணி, 9 வருஷங்களுக்கு முன்னாடி ‘கலிபோர்னியா தமிழ்க் கழகம்’ என்ற அமைப்பை ஆரம்பிச்சேன்.

இதுக்கு அப்புறமா ‘கலிபோர்னியா தமிழ்க் கழக’த்துல படிக்கிற மாணவர்களுக்காக தமிழ் பாடத்திட்டம் ஒன்றை உருவாக்க முடிவு பண்ணினோம். தொடக்கத்துல 4 குழந்தைகளுக்குத்தான் தமிழ் கத்துக் கொடுத்தோம். இப்ப 1500 குழந்தைங்க தமிழ் படிக்கிறாங்க. அமெரிக்காவுல ஏதாவது 3 மொழிப்பாடங்களை படிக்கணும்னு விதி இருக்கு. அங்க பெரும்பாலும் இங்கிலீஷ், ஸ்பானிஷ், பிரெஞ்சு, சைனீஷ்...மாதிரியான மொழிப்பாடங்கள்தான் பிரபலம். இந்தி கூட மொழிப்பாடங்கள் பட்டியல்ல இருக்கு. இந்த பட்டியல்ல தமிழையும் சேர்க்கணும்னு முயற்சி செஞ்சோம். அதுக்கு பலனும் கிடைச்சது. 2 வருஷத்துக்கு முன்னால தமிழையும் மொழிப்பாடமா கலிபோர்னியா பல்கலைக்கழகம் அங்கீகரிச்சிடுச்சு.

இப்ப ‘ப்ரிமோன் பொது உயர்நிலைப்பள்ளி’கள்ல தமிழையும் மொழிப்பாடங்கள் பட்டியல்ல சேர்த்திருக்காங்க. அடுத்ததா அமெரிக்கா முழுக்க ஒரே தமிழ் பாடத்திட்டத்தை கொண்டு வரணும்னு முயற்சி செஞ்சுட்டு இருக்கோம். இதுக்காக பாடத்திட்ட வாரியத்தையும் உருவாக்கியிருக்கோம். தமிழ்நாட்டை சேர்ந்த திருச்சி பாரதிதாசன் பல்கலைக்கழக துணைவேந்தர் பொன்னவைக்கோ, பென்ஸ்டேட் பல்கலைக்கழக பேராசிரியர் ராசு ரெங்கநாதன், பெர்க்ளின் பல்கலைக்கழக பேராசிரியர் ஜார்ஜ் ஹாட் தவிர, சிங்கப்பூர், மலேசியாவைச் சேர்ந்த கல்வியாளர்கள் இந்த வாரியத்துல உறுப்பினர்களா இருக்காங்க.

பொது பாடத்திட்டத்தை உருவாக்கினதும், அமெரிக்கா முழுக்க தமிழை மொழிப்பாடமா சேர்க்க எல்லா பல்கலைக்கழகங்களையும் அணுகப் போறோம்’’ என்று சொல்லும் வெற்றிச்செல்வி, முன்னாள் அமைச்சர் மாதவனின் மகள்!

வாழ்க தமிழ்

தமிழ் தானாக வாழாது! அதற்கு தமிழர்கள் நாம் ஒன்றிணைந்து பாடுபட வேண்டும்!

வாழ்க பல்லாண்டு வெற்றிசெல்வி அவர்களே ,

பெயரிலேயே வெற்றி அமைந்து விட்டதல்லவா! அவரின் வெற்றிகளுக்கு சொல்லவா வேண்டும்!

இதுபோல சிலபேருக்கு தான் இந்த மனது வரும் ,

உதரணத்துக்கு அமரிக்கவுல வெற்றிசெல்வி , மலேசியாவுல சிவா இப்படி ...சொல்லிகிட்டே போகலாம்

அதானே, என்னடா நீரோடை மாதிரி போய்கிட்டு இருக்குதே என்று பார்த்தேன், சுழியில் மட்டிவிட்டேன்!

சபாஷ்..தமிழ் கற்றால் பண்பாடும் சேர்ந்து தானாய் வரும்!!!!!!!!

அம்மாவை நேசித்தால் அன்பு தானாய் வரும், அதுபோல்தான் நிலாசகி சொல்வதும் உண்மை!

சிவா wrote:அதானே, என்னடா நீரோடை மாதிரி போய்கிட்டு இருக்குதே என்று பார்த்தேன், சுழியில் மட்டிவிட்டேன்!

இல்ல தல ,

நான் சொல்வது சத்தியமான உண்மை இதை இணைய உலகம் சொல்லும் நாள் வெகு தொலைவில் இல்லை ,