சகலமும் சமர்பணம்

கோவை. மு. சரளா · கோவை. மு. சரளா Fri Aug 27, 2010 1:53 pm

என் வலிமை என் தோழி கொடுத்தது
என் உற்சாகம் அவள் ஊட்டியது

எனக்கும் ஊக்கம் கொடுக்கும்
அவளின் பேச்சு

நான் இளைப்பாறும்
நிழலாய் அவள் இருப்பாள்

துவளும் போது என்னை
தூக்கி நிறுத்தியது அவள் கரங்கள்

இன்று வலிக்கிற போதும்
துக்கம் தொண்டையை அடைக்கும் போதும்

தண்ணீர் கொடுத்து என்
கண்ணீர் போக்கிய

அவளின் கரங்கள்
கண்முன் நிழலாடுது

பாசத்தில் அம்மாவை போல
பக்குவத்தில் பாட்டியை போல

பண்பில் என் தந்தை போல
கண்டிப்பில் என் அண்ணன் போல

குறும்பில் என் தங்கையை போல
எனக்கான எல்லாமும் அவள்