கல்லறை வரை சென்று உயிர் பிழைத்தவர் மரணம்

arularjuna · arularjuna Fri Aug 27, 2010 10:25 am

மதுரை : மதுரையில் கல்லறை வரை சென்று உயிர் பிழைத்த கட்டட தொழிலாளி, அரசு ஆஸ்பத்திரியில் நேற்று சிகிச்சை பலனின்றி இறந்தார். சமயநல்லூரை சேர்ந்தவர் பீட்டர் (24). கட்டுமான தொழிலாளியான இவர், ஆக., 18ல் மதுரை தத்தனேரி ரயில்வே மேம்பால பணியில் ஈடுபட்டார். 53 டன் எடையுள்ள சிலாபு இணைக்கும் பணியின் போது, அது தவறி கீழே விழுந்ததில் பீட்டர் காயமடைந்து, தனியார் மருத்துவமனையில் சேர்க்கப்பட்டார்.
சிகிச்சையில் முன்னேற்றம் இல்லாத நிலையில், "டிஸ்சார்ஜ்' செய்யப்பட்டார். ஆக., 20ல் பீட்டர் இறந்து விட்டதாக நினைத்து, அவருக்கு இறுதி சடங்குகள் செய்யப்பட்டு, மயானத்தில் அடக்கம் செய்ய ஏற்பாடுகள் நடந்தன. கண்ணீர் அஞ்சலி போஸ்டர்களும் ஒட்டப்பட்டன.
சிலர், "பீட்டர் உயிருடன் தான் இருக்கிறார்' என்று சந்தேகத்தை கிளப்பினர். இதனால் மயானத்தில் மோதல் ஏற்பட்டது. தனியார் பஸ் மீது கல் வீசப்பட்டது. அங்கு வந்த "108' ஆம்புலன்ஸ் ஊழியர்கள் பரிசோதித்ததில், அவர் உயிருடன் இருப்பது உறுதி செய்யப்பட்டது. அரசு ஆஸ்பத்திரியில் சேர்க்கப்பட்ட பீட்டர் நேற்று சிகிச்சை பலனின்றி இறந்தார்.

டயானா · டயானா Fri Aug 27, 2010 10:30 am

கல்லறை வரை சென்று உயிர் பிழைத்தவர் மரணம்

கல்லறை வரை சென்று உயிர் பிழைத்தவர் மரணம்

Re: கல்லறை வரை சென்று உயிர் பிழைத்தவர் மரணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக