புரட்சியின் புதிய புலம்பல்.

தேனி சூர்யாபாஸ்கரன் · 09/06/2010

உள்ளங்களின் உரசல் இல்லாமல் – பல
உடல்களின் உரசல் மட்டுமே..
உலகம் என்று நீ உலவியதுமில்லாமல்!..

விலைவைத்து பேசும் விலைமாதுவின்..
சதைகொண்ட உடல்கள் மீது..
போதை கொண்டு நீ ஊர்ந்ததுமில்லாமல்!..

“கட்டுப்பாடு” என்ற சிறைக்குள் – அந்த
கட்டுப்பாட்டை தினம் சிறைவைத்து...-பலருடன்
கட்டுண்டு நீ கிடந்ததுமில்லாமல்!..

“மனிதனாய் பிறப்பதே...மகத்தான பிறப்பு”-நீ
மனித நாய் போல் வெறிகொண்டு..
மங்கையருடன் மயங்கி சரிந்ததுமில்லாமல்!..

“ஒருவனுக்கு ஒருத்தி” என்ற பண்பாட்டை
உள்ளத்திற்குள் தினம் நிறுத்தி...
உன்னையே உலகாய் உயிராய்..நினைக்கும்...
உன்னவளிடமும் நீ சேர்ந்திருந்ததால்..

பாரதி நினைத்த “புதுமைப்பெண்ணாய்..”
அடிமைத்தனத்தை அடிமையாக்க – இந்த
அகிலத்தில் உன்னவளால் பிறந்த எனக்கு!..
அவளின் கருவறையிலேயே “எச்.ஐ.வி.வைரஸ்”

**சிவா** · **சிவா** Thu Aug 26, 2010 9:08 pm

///பாரதி நினைத்த “புதுமைப்பெண்ணாய்..”
அடிமைத்தனத்தை அடிமையாக்க – இந்த
அகிலத்தில் உன்னவளால் பிறந்த எனக்கு!..
அவளின் கருவறையிலேயே “எச்.ஐ.வி.வைரஸ்”///

அருமை பாஸ்கர்! புரட்சியின் புதிய புலம்பல். 154550