கர்ப்பிணி பெண்களுக்கான அழகு குறிப்புகள்

by **சிவா** Wed 15 Oct 2008 - 2:58

* இயந்திரங்களின் உதவியின்றி கைகளால் செய்யப்படும், "பேஷியலை' செய்து கொள்ளலாம். மேலும் ஆப்பிள், ஆரஞ்சு மற்றும் வாழைப் பழம் சம அளவு எடுத்து, கூழ் போன்று அரைத்து கொள்ள வேண்டும். இதை முகம் மற்றும் கழுத்து பகுதிகளில் தடவி, பதினைந்து நிமிடம் கழித்து கழுவினால், முகம் பளிச்சென்று இருக்கும்.

* சிலருக்கு கர்ப்ப காலத்தில் முடி உதிருதல் பிரச்னை இருக்கும். அதற்கு புரோட்டீன், இரும்பு சத்து, சுண்ணாம்பு சத்து மற்றும் வைட்டமின் "ஏ' போன்ற சத்துக்கள் குறைபாடே காரணம். எனவே, கர்ப்ப காலத்தில் இச்சத்துகள் நிறைந்த உணவு பொருட்களை அதிகளவில் சேர்த்து கொண்டால், முடி உதிருதல் குறையும். மேலும், சிசுவும் ஆரோக்கியமுடன் வளரும்.

* கர்ப்ப காலத்தில் உடலில் ஏற்படும் ஹார்மோன் மாறுபாட்டினால், கை, கால்களில் தேவையில்லாத முடிகளின் வளர்ச்சி அதிகம் இருக்கும். வேப்பங்கொழுந்தை கிள்ளி, அதனுடன் தண்ணீர் சேர்த்து அரைத்து, முடி இருக்கும் பகுதிகளில் தடவினால், முடிகள் உதிர்ந்துவிடும். கர்ப்பிணி பெண்கள் பக்க விளைவுகள் எதுவும் இல்லாத, அழகு சிகிச்சை முறைகளை மேற்கொள்வதன் மூலம், கருவில் இருக்கும் சிசுவும் ஆரோக்கியமுடன் வளரும்.

by **சிவா** Wed 15 Oct 2008 - 2:59

தோலில் தோன்றும் கருமை மறைய:

கர்ப்ப காலத்தில் சில பெண்களுக்கு கண் மற்றும் உதட்டை சுற்றிலும் கருமை படர்ந்து காணப்படும். மேலும், கழுத்துப் பகுதியும் கருமையாக மாறிவிடும். உடலில் நிகழும் ஹார்மோன் மாற்றங்களுடன், தோலில் சூரிய ஒளி படும்போது, கருமை தோன்றுகிறது. குழந்தை பிறந்ததும், இவை மறைந்து விடும். இருப்பினும், சிலர் பார்லர்களில் லேசர் சிகிச்சை செய்து கொள்கின்றனர். இதை தவிர்ப்பது நல்லது. வீட்டிலேயே பாசிப் பருப்பு, கஸ்தூரி மஞ்சள், வெட்டிவேர், காய்ந்த ரோஜா இதழ்கள், சந்தனம் மற்றும் வெந்தயம் ஆகியவற்றை கலந்து பொடி செய்து, அதை தேய்த்து குளித்து வந்தால் கருமை மறையும்.

by **சிவா** Wed 15 Oct 2008 - 2:59

தோலில் தழும்பு (ஸ்ட்ரெச் மார்க்) தோன்றாமல் தவிர்க்க:

கர்ப்ப காலத்தில் வயிறு மற்றும் மார்பு தசைகள் விரிவடைகின்றன. இதனால் அப்பகுதிகளில் அரிப்பு ஏற்படுகிறது. அரிப்பு ஏற்படும் போது, சொறிவதால், தசைகள் காயமடைகின்றன. எனவே தான் பிரசவத்திற்கு பிறகு தழும்பு (ஸ்ட்ரெச் மார்க்) ஏற்படுகிறது. அரிப்பு ஏற்படும் போது கைகளால் சொறியாமல், மென்மையான துணியால் தடவிக் கொடுங்கள். மாதுளைத் தோலைப் பொடி செய்து, அதில் பசு நெய் கலந்து, வயிற்றிலும், மார்பிலும் தடவி வந்தால், தழும்பு ஏற்படாது.

by **சிவா** Wed 15 Oct 2008 - 3:00

கர்ப்பிணி பெண்கள் ஆரோக்கியமாக இருப்பதற்கான டிப்ஸ்:

* கர்ப்ப காலத்தில் பெண்களுக்கு உணவு கட்டுப்பாடு மிகவும் அவசியம். அதிக கலோரிகள் நிறைந்த உணவை தவிர்த்து, அதிக சத்துகள் நிறைந்த உணவையே சாப்பிட வேண்டும். குறிப்பாக பச்சை காய்கறிகள், பழங் கள் மற்றும் கீரை வகைகளை அதிகளவில் சேர்த்து கொள் ளுங்கள். கண்டிப்பாக கொழுப்பு, உப்பு மற்றும் காரம் போன்றவற்றை தவிர்த்து விடுவது நல்லது.

* இரவில் சாப்பிட்ட உடனேயே தூங்க செல்ல வேண் டாம். சிறிது நேரம் நடைபயிற்சி மேற்கொள்ள வேண்டும். இதன்மூலம், உணவு எளிதில் செரிமானம் அடையும்.

* தினமும் முகம் மற்றும் கை, கால்களுக்கு எண்ணெய் மசாஜ் செய்து வந்தால், சருமம் பொலிவடையும்.

* காபி, டீ ஆகியவற்றுக்கு பதிலாக ஆரஞ்சு ஜூஸ் குடிக்கவும். இதிலுள்ள விட்டமின் "சி' தொற்று நோய்களிலிருந்து, உடலை பாதுகாக்கிறது.

* ஓய்வு நேரங்களில் மனதிற்கு பிடித்த இசையை கேட்டு ரசிக்கலாம். இதன் மூலம் புத்துணர்ச்சி அதிகரிக்கும்.