அப்பா

by கோவை ராம் Thu Aug 26, 2010 12:39 pm

எப்படி எப்படி
எல்லாமோ
தன் பாசம்
உணர்த்துவாள் அம்மா
ஒரேயொரு
கைஅழுத்தத்தில்
எல்லாமே
உணர்த்துவார்
அப்பா...
முன்னால்
சொன்னதில்லை
பிறர் சொல்லித்தான்
கேட்டிருக்கிறேன்
என்னைப்
பற்றி பெருமையாக
அப்பா
பேசிக்கொண்டிருந்ததை..
அம்மா
எத்தனையோ முறை
திட்டினாலும்
உறைத்ததில்லை
உடனே
உறைத்திருக்கிறது
என்றேனும்
அப்பா
முகம் வாடும் போது
உன் அப்பா
எவ்வளவு உற்சாகமாக
இருக்கிறார் தெரியுமா
என என் நண்பர்கள்
என்னிடமே சொல்லும்
போதுதான் எனக்குத்
தெரிந்தது
எத்தனை பேருக்குக்
கிடைக்காத தந்தை
எனக்கு மட்டும் என..
கேட்ட உடனே
கொடுப்பதற்கு
முடியாததால் தான்
அப்பாவை அனுப்பி
இருக்கிறாரோ
கடவுள்..?
சிறுவயதில்
என் கைப்பிடித்து
நடைபயில
சொல்லிக்கொடுத்த
அப்பா
என் கரம் பிடித்து
நடந்த போது
என்ன நினைத்திருப்பார்..?
லேசாக என் கால்
தடுமாறினாலும்
பதறும் அப்பா
இன்று நான்
தடுமாறிய போது
பதறாமல் இருக்கிறார்
மீளா துயிலில்..
சொல்லிக்
கொடுத்ததில்லை
திட்டியதும் இல்லை
இல்லை என்றும்
சொன்னதுமில்லை
வேண்டாம் எனக்
கூறியதும் இல்லை
இருந்தும் ஏதோ
ஒன்றினால்
கட்டுப்படுத்தியது
அப்பாவின் அன்பு
நானும் காட்டியதில்லை
அவரும் காட்டியதில்லை
எங்கள் பாசத்தை...
இருந்தும் காட்டிக்
கொடுத்த கண்ணீரைத்
துடைக்க இன்று
அப்பாவும் இல்லை..
அம்மாவிடம்
பாசத்தையும்
அப்பாவிடம்
நேசத்தையும்
இன்றே உணர்த்துங்கள்
சில நாளைகள்
இல்லாமலும் போகலாம்...

ராம்

by **பிளேடு பக்கிரி** Thu Aug 26, 2010 12:44 pm

அருமை ராம்... அப்பா மகனின் பாச வரிகள் மகிழ்ச்சி

by gunashan Thu Aug 26, 2010 12:46 pm

அப்பா புள்ள ராரா.......
வரிகள் அற்புதம்.....
நல்ல கருத்துக் கவிதை..... சியர்ஸ்

by Jotheshree Thu Aug 26, 2010 12:51 pm

நல்ல கருத்துள்ள கவிதை............
மகிழ்ச்சி

அப்பாவின் பாசத்தை அழகை சொன்ன வரிகள் அற்புதம்.......

by **உமா** Thu Aug 26, 2010 12:51 pm

rarara wrote:
எத்தனை பேருக்குக்
கிடைக்காத தந்தை
எனக்கு மட்டும் என..
கேட்ட உடனே
கொடுப்பதற்கு
முடியாததால் தான்
அப்பாவை அனுப்பி
இருக்கிறாரோ
கடவுள்..?

சிலர், இருக்கும் போது அப்பாவின் அருமை தெரியாமல், இறந்த பின் வருந்துகிறார்கள்...

நான் இருக்கும் போதும் என் அப்பாவின் அருமையை உணர்ந்தேன்..
இறந்த போது ஞாபகத்தை மட்டுமே உணர்ந்து வாழ்ந்து கொண்டு
இருக்கிறேன்...

என்னை அழ வைத்து விட்டிர்கள் ராம்...
உண்மையான வரிகள்...
நெஞ்சில் வடு நீங்க வில்லை,,,

by புவனா Thu Aug 26, 2010 12:58 pm

அற்புதமான கவிதை.... அன்பு மலர்

by மீனா Thu Aug 26, 2010 1:03 pm

by கோவை ராம் Thu Aug 26, 2010 1:45 pm

இது என் கவிதை இல்லை நன்பர்களே .என் நன்பன் தனக்கு வந்ததை எனக்கு அனுப்பினான் .அதனால்தான் பிடித்த கவிதைகள் தலைப்பில் பிரசுரித்தேன். பாராட்டுகள் அனைத்தும் இதனை படைத்தவருக்கே .

அதே போல் அப்பாவின் நேசத்தை நான் அனுபவித்ததும் இல்லை.

ராம்

by **பிளேடு பக்கிரி** Thu Aug 26, 2010 1:47 pm

rarara wrote: இது என் கவிதை இல்லை நன்பர்களே .என் நன்பன் தனக்கு வந்ததை எனக்கு அனுப்பினான் .அதனால்தான் பிடித்த கவிதைகள் தலைப்பில் பிரசுரித்தேன். பாராட்டுகள் அனைத்தும் இதனை படைத்தவருக்கே .

அதே போல் அப்பாவின் நேசத்தை நான் அனுபவித்ததும் இல்லை.

ராம்

நீங்கள் எழுதவில்லை என்றாலும் அதை எங்களுக்கு பகிரிந்த உங்களுக்கு தான் நன்றிகள் நண்பரே...

by **உமா** Thu Aug 26, 2010 4:13 pm

rarara wrote: இது என் கவிதை இல்லை நன்பர்களே .என் நன்பன் தனக்கு வந்ததை எனக்கு அனுப்பினான் .அதனால்தான் பிடித்த கவிதைகள் தலைப்பில் பிரசுரித்தேன். பாராட்டுகள் அனைத்தும் இதனை படைத்தவருக்கே .

அதே போல் அப்பாவின் நேசத்தை நான் அனுபவித்ததும் இல்லை.

ராம்

நாம அனுபவிக்காத அந்த நேசத்தை,
நம் பிள்ளைகளுக்கு கொடுப்போம்...