பகவத்கீதையை படித்தால் மட்டும் போதாது, சரியான அறிவியல் கண்ணோட்டத்துடன் விளக்கம்

அறிவினாலும் விஞ்ஞானத்தினாலும் ஏற்றுக் கொள்ளக்கூடிய விளக்கம் கீதையில் புதைந்து கிடக்கும் விஞ்ஞான மற்றும் அறிவுபூர்வமான செய்திகளை வெளியே கொண்டு வரும் முதல் முயற்சி. அறியாமைக்கும் மூடநம்பிக்கைகளுக்கும் சாவுமணி அடித்து மக்களை விஞ்ஞான அறிவியல் பாதையில் அழைத்துச் சென்று ஆண்டவனோடு இணைக்கும் முயற்சி. பகவத்கீதை ஒரு ஆன்மீக அறிவுயல் நூல். இதில் இறைவனை அடைவதற்கும் வழி சொல்லப்பட்டிருக்கிறது, அதே போல உலக வாழ்கையில் எல்லா விதமான இன்பங்களையும் பெற்று அனுபவிப்பதற்கும் வழி சொல்லப்பட்டு இருக்கிறது.

கீதையில் அறியாமைக்கோ, அற்புதங்களுக்கோ, மூடப்பழக்க வழக்கங்களுக்கோ எந்தவிதமான இடமும் இல்லை. நம்முடைய அறிவுக்கும், சிந்தனைக்கும் எட்டாத அறிவுப்பூர்வமாக ஏற்றுக்கொள்ளமுடியாத மூடநம்பிக்கைகள் எதையும் கீதை சொல்லவே இல்லை. கீதை ஜாதியை உருவாக்கவோ, ஆதரிக்கவோ இல்லை. இயற்கையின் குணங்களைப்பற்றி பேசுகின்ற போது கீதை விஞ்ஞானத்தின் உச்சத்தை எட்டிப்பிடிக்கிறது.

இதுவரையிலும் கீதைக்கு தவறாக பொருள் சொல்லி வந்தவர்களின் முகத்திரையை கிழித்து கீதையில் புதைந்து கிடக்கும் அறிவு மற்றும் விஞ்ஞானபூர்வமான செய்திகளை வெளிக்கொண்டு வருவதே இந்த தொடரின் நோக்கம். நெருப்பில் நெய்யை ஊற்றி மந்திரம் சொல்வதை யக்ஞம் என்று கீதை சொல்லவில்லை. அறிவுப்பூர்வமான முழுமுயற்சியையே கீதை யக்ஞம் என்ற பெயரில் பயன்படுத்துகிறது.

குறிக்கோள் எதுவாயினும் அறிவுப்பூர்வமான முழுமுயற்சியுடன் முயலும் போது அதை மனிதன் அடைய முடியும் என்று கீதை சொல்கிறது. உன்னுடைய குறிக்கோள் என்பது உலக இன்பங்களை அடைவதாக இருந்தாலும் அல்லது இறைவனையே அடைவதாக இருந்தாலும் அதற்கு தேவை உன்னுடைய அறிவு பூர்வமான முழுமுயற்சியே என்கிறது கீதை.

கீதையின் இந்த சிந்தனைகளை கீதை ஸ்லோகங்களைச் சொல்லி விளக்கம் அளிப்பதற்காக நாங்கள் . www.gitawithlogic.comஒரு இணையதளத்தை உருவாக்கியுள்ளோம்.இந்த இணையதளத்தில் உங்கள் கருத்துக்களை எங்களோடு பரிமாறிக்கொள்ளவும் வேண்டுகிறேன். கீதையின் இந்த சிந்தனைகள் பெறிதாக பரப்ப பட வேண்டும் என்று நீங்கள் விரும்புவதாக இருந்தால் இந்த முயற்சிக்கு ஆக்கமும் ஊக்கமும் அளித்திட அன்புடன் வேண்டுகிறேன். . .

நன்றி