என்னுடையவளே... எனை ஆட்கொண்டவளே....

மஞ்சுபாஷிணி · மஞ்சுபாஷிணி Mon 23 Aug 2010 - 21:12

என்னுடையவளே..... என்னை ஆட்கொண்டவளே....

கருத்து பரிமாற்றம் புரிகிறேன் என்று
பிடிவாதமாய் என் மனதை பிடுங்கிக்கொண்டவள் நீ

வாழ்க்கை துணையாய் வருவாயா என்றதற்க்கு
மௌன கண்ணசைவில் சம்மதம் சொன்னவள் நீ

பிள்ளையில்லா மலடியென்று ஊரே உமிழ்ந்தப்போது
குழந்தையாய் கண்ணீரால் என் மடி நனைத்தவள் நீ

காலம் என்னை சமூகத்தில் உயர்த்திய போது
அன்பாய் அமைதியாய் ஆர்பரித்தவள் நீ

மூச்சுக்காற்று அடங்குமுன் என் வழி காத்திருந்து
விழிமூடா இமை ஓரம் மூச்சை நிறுத்தியவள் நீ

வயோதிகத்தில் தனிமையில் புரண்டழுதப்போது
உன் நினைவுகளால் தாலாட்டி மெல்ல உறங்கவைத்தவள் நீ

காலம் முடிந்து உன்னுடன் சேர எதிர்ப்பார்த்த வேளையில்
சில்லென பனியாய் அணைத்து கைவிரல் கோர்த்து கண்மூட வைத்தவள் நீ....

சபீர் · சபீர் Tue 24 Aug 2010 - 12:09

காலம் முடிந்து உன்னுடன் சேர எதிர்ப்பார்த்த வேளையில்
சில்லென பனியாய் அணைத்து கைவிரல் கோர்த்து கண்மூட வைத்தவள் நீ....

உண்மையான அன்பின் வெளிப்பாட்டால் வார்த்தெடுக்கப்பட்ட காதல் வரிகள் மிகவும் அருமை அக்கா.
அன்பு நன்றிகள் அக்கா என்னுடையவளே... எனை ஆட்கொண்டவளே.... 677196