ஏழ்மை என்பது

பிறப்பால் நாம் அனைவரும் சமமே! பிறகு நமது வாழ்க்கையில் ஏழ்மையாக இருப்பதும், பணக்காரராக ஆவதும் அவரவர் திறமைகளே! எந்தத் துறையை நாம் தேர்ந்தெடுத்தாலும் அந்தத்துறையில் உள்ள கோடீஸ்வரர்கள் அனைவரும் பிறப்பிலேயே கோடீஸ்வரர்கள் அல்லர். உதாரணமாக, பிறப்பில் ஏழையாக இருந்து உலகப் புகழ்பெற்ற கோடீஸ்வரர்கள் ஒரு சிலரைப் பற்றி பார்ப்போம்.



ஏழை ஆண்ட்ரூ கார்னகி…., அவர் என்ன ஏழையா? மிகப்பெரிய எஃகுத் தொழில் அதிபர். அவர் பல கோடி அமெரிக்கன் டாலர் பணத்தைச் சம்பாதித்தார். அமெரிக்காவின் எல்லா நகரங்களிலும் இலவச நூல் நிலையங்களை ஏற்படுத்துவதற்காக ஏராளமான பணத்தைச் செலவிட்டும், பணத்தைச் செலவழிக்க முடியாமலும் தடுமாறியவர். ஆமாம். இந்தக் கோடீஸ்வரர் ஏழையாகத்தான் இருந்தார். மாதம் நான்கு டாலர் சம்பளத்தில் தன்னுடைய வாழ்க்கையைத் தொடங்கினார்.



உலகப்பெரும் கோடீஸ்வரர்களில் ஒருவரான ராக்ஃபெல்லர் வாரத்திற்கு ஆறு டாலர் சம்பளத்தில் தனது வாழ்க்கையைத் தொடங்கினார்.



மோட்டர் தொழில் அதிபர் ஹென்றிஃபோர்டு வாரத்திற்கு இரண்டரை டாலர் சம்பளத்தில் வாழ்க்கையைத் தொடங்கினார்.



இவர்கள் மட்டுமா ஏழையாக இருந்து பணக்காரராக ஆகியிருக்கிறார்கள். நம்மூர் மக்களிலும் ஒரு சிலர் இங்கு உங்களது பார்வைக்காக:



* ராஜ் எற்றுமதியாளர் (Raj Exports India Pvt. Ltd.) என்ற தனியார் நிறுவனத்தின் நிர்வாக இயக்குனர் உயர்திரு. ராஜேஷ் 1980ம் ஆண்டு கடன் வாங்கி தனது சிறிய ‘தங்கம் விற்பனை’ தனியார் நிலையத்தை துவங்கினார். இப்பொழுது மூன்று மாதத்திற்கு இவரது நிறுவனத்தில் விற்பனையின் விலைமதிப்பு ரூபாய்1200 கோடியையும் தாண்டுகிறது. சமீபத்தில் இவர் ஆரம்பித்துள்ள தங்கம் சில்லரை வியாபார நிறுவனம் (Shubhi Jewellers) பெங்களுரையே கலக்கியது. ஒரே நாளில் ஆறு கடைகளை திறந்தார். முதல் நாளன்றே மக்கள் தரிசனத்திற்கு நிற்பது போல் நின்றனர் இவரது கடையில் நகை வாங்குவதற்காக!
* உலகின் பல்வேறு நாடுகளில் தனது விற்பனையை கால் பதித்துள்ள மற்றும் வருடத்திற்கு ரூபாய் 120 கோடிக்கும் மேல் விற்பனையை எட்டியுள்ள ‘இதயம் நல்லெண்ணெய்’ நிறுவனத்தின் நிர்வாக இயக்குனர் உயர்திரு. முத்து விருதுநகரில் சாதாரண குடும்பத்தில் பிறந்தவர். தனது பெற்றோரின் தொழிலான எள் வியாபாரத்தில் இருந்து சற்று மாறி எள்ளை அரைத்து எண்ணெய் எடுத்து விற்பனை செய்ய ஆரம்பித்தார். இந்த எண்ணெய் விற்பனைதான் இன்று உலகளாவிய ‘இதயத்திற்கு இதமானது -இதயம் நல்லெண்ணெய்’ என்ற வாசகம்.

ஏழ்மை என்பது எப்பொழுதும் வெட்கப்படவேண்டிய விஷயம் கிடையாது.

ஏழ்மை என்பது எப்பொழுதும் வெட்கப்படவேண்டிய விஷயம் கிடையாது.

அருமையான எழுத்துக்காட்டு நன்றி தோழரே