ஐம்பெரும் பிடியில் சிக்கி.....

**Aathira** · **Aathira** Sun 22 Aug 2010 - 17:17

First topic message reminder :

ஐம்பெரும் பிடியில்...

ஐம்பெரும் பிடியில் சிக்கி..... - Page 3 Hindus-status

சாதி
சாதியை மதித்து சதிசெயும் அரசியல்
வாதியர் சூழ்ச்சியில் நீதியும் மறந்தது
மேதினியே சாதியின் பிடியில்! துன்பச்
சேதினை உடைப்பவர் யாரிங்கு சொல்வீர்!

சதியின் குழந்தைகள் சாதிக ளாயின
மதியில் வெல்லவே நீதி தேவையோ
விதியின் வந்ததாய் நின்று வாட்டிடும்
கதியை ஓட்டிட சேர்ந்து வாழுவோம்.

மதம்
மதமெனும் சகதியில் பாதங்கள் கழுவிடப்
பதமாய் வார்த்தனர் சலுகை நீரதை
மதமெனும் தீயதை மூ(ஊ)ட்டிக் கொளுத்தினர்
சிதைந்தது மானுடம் வெந்தது கருகியே...

இமயமும் குமரியும் இணைந்தஇப் பாரதம்
சமயங்கள் இணைந்திட வழியது தந்தது
தமயனும் தம்பியும் வேறு மதமெனில்
சுமந்திட்ட நம்தாய்க் கிழுக்கே அன்றோ?

மொழி
பேசிடும் பேச்சோ உணர்த்திடும் கருவியே
பூசியப் பூச்சினால் கண்டது பேதம்
மூ(ச்)சிடும் ஒலியினில் பேதம் உரைத்து
வீசினர் உயிர்களை மொழியெனும் வாளினால்...

குழலும் யாழும் இசையதில் வேறுதான்
துளையினில் விழுவது; நரம்பில் எழுவது;
இசையெனும் அமைப்பில் இரண்டும் வேறல
நசையுடன் பேசிட எம்மொழி தாழ்ந்தது?

நாடு
எல்லைகள் இன்றி அன்புப் பயிர்செய
தொல்லைகள் தருவதோ நாட்டுப் பற்றது?
நாடு என்பதே ’நடு’வின் தொடக்கமே!
நடுதல் என்பது அன்பை நடுவதே!

நாடுதல் என்றே கொள்ளினும் விரும்புதல்;
தேடுதல் என்றும் சொல்லலாம். எவர்க்கும்
வாடுதல் செய்யும் புன்மை தேடி
கேடுகள் செய்வரோ பகுத்தறி வாளர்?

பணம்
செல்வம் என்பது சிந்தை நிறைவது
போதும் என்பவன் செல்வன் ஆகிறான்
சூதெனும் பேயவன் ஏழை ஆகிறான்
பேதம் ஏனிதில்? வாதம் வீணதே!!

கன்று குடித்த மீதம் யாவையும்
நன்று தந்திடும் ஆவின்தன் பால்போல்
நின்று நிலைத்திடா நீசக் காசதை
சென்று சேர்த்திடும் ஏழை வயிறதில்!

ஐம்பெரும் பிடியில்
ஐம்பெரும் பிடியில் அகப்பட்ட மனிதன்
ஐயறிவுயிர் போல் திரிந்திடும் இழிநிலை
பையவே மாறிட வழியின்றி மேலும்
ஐந்தறிவும் நகும் பகுத்தறி யாநிலை

சொல்லவும் கூடலை சாதியும் சமயமும்
மொழியும் எல்லையும் பணமும் என்ற
ஐம்பிடி இறுக்கினில் தவித்திடும் மானுடன்
பகுத்தறி யாநிலை மெல்லவும் கூடலை!

ஆதிரா..

**Aathira** · **Aathira** Sun 22 Aug 2010 - 23:01

சிவா wrote:
Aathira wrote:
சிவா wrote:
மஞ்சுபாஷிணி wrote:அன்பு பானுக்குட்டி உங்களை தான் காக்கா தூக்கிட்டு போயிருச்சோன்னு கவலைல நான் .. நேத்து தான் உங்க போட்டோ சேவ் செய்து வெச்சுக்கிட்டேனே.....

நானும் சேமித்து வைத்துள்ளேன்!

Aathira

இந்தப் படத்தைத் தானே சிவா...இது எனக்கும் பிடித்த படம்..இதை நானும் சேமித்து வைத்துள்ளேன்...

நான் கூறியது உங்கள் மின்னஞ்சலில் உள்ள உங்களது அழகிய புகைப்படத்தை!

அப்படியா!!!!!!!!! அது நானா!!!!!!!!!! ஆள் மாறாட்டம்...ஆள் மாறாட்டம்... நீங்களுமா ஏமாந்துட்டீங்க சிவா?? ஐம்பெரும் பிடியில் சிக்கி..... - Page 3 705463

drrajmohan · drrajmohan Sun 22 Aug 2010 - 23:03

drrajmohan wrote: இந்த கால நிலைக்கு ஏற்ற கவிதை , வாழ்த்துக்கள்
தொடருங்கள்

**சிவா** · **சிவா** Sun 22 Aug 2010 - 23:10

Aathira wrote:
அப்படியா!!!!!!!!! அது நானா!!!!!!!!!! ஆள் மாறாட்டம்...ஆள் மாறாட்டம்... நீங்களுமா ஏமாந்துட்டீங்க சிவா??

நேரில் பார்த்ததும் தெரிந்துவிடும்.. எது உண்மையென்று! இருங்க வரேன்..!!!

சபீர் · சபீர் Sun 22 Aug 2010 - 23:39

மிக மிக அருமையான வரிகளில் உங்களின் பற்று இதில் தெரிகிறது ஆதிரா அக்கா............. ஐம்பெரும் பிடியில் சிக்கி..... - Page 3 677196

**Aathira** · **Aathira** Sun 22 Aug 2010 - 23:42

drrajmohan wrote: இந்த கால நிலைக்கு ஏற்ற கவிதை , வாழ்த்துக்கள்
தொடருங்கள்

ஒரு டாக்டரிடம் இருந்து கவிதைக்குப் பாராட்டு.. இருமுறை ..மிக்க நன்றி டாக்டர்...ராஜ்மோகன் ஐம்பெரும் பிடியில் சிக்கி..... - Page 3 154550

**Aathira** · **Aathira** Sun 22 Aug 2010 - 23:58

[quote="T.N.Balasubramanian"]"சொல்லவும் கூடலை சாதியும் சமயமும்
மொழியும் எல்லையும் பணமும் என்ற
ஐம்பிடி இறுக்கினில் தவித்திடும் மானுடன்
பகுத்தறி யாநிலை மெல்லவும் கூடலை! "

உண்மை, முற்றிலும் கசப்பான உண்மை.
வர வர பகுத்தறியும் நிலை, சுய நலத்தை
சார்ந்தே வெளிப் படுகிறது. வேதனைக்குரிய
விஷயம். சோகம்

ரமணீயன்.

இந்த கவலை எனக்கும் உண்டு திரு ரமணீயன் அவர்களே. அதன் வெளிப்பாடே இது..வேதனைக்குரிய கருத்தைப் பகிர்ந்தமைக்கு மிக்க நன்றி.

megastar · megastar Mon 23 Aug 2010 - 0:47

[quote="Aathira"]
ஐம்பெரும் பிடியில்...

ஐம்பெரும் பிடியில் சிக்கி..... - Page 3 Hindus-status

சொல்லவும் கூடலை சாதியும் சமயமும்
மொழியும் எல்லையும் பணமும் என்ற
ஐம்பிடி இறுக்கினில் தவித்திடும் மானுடன்
பகுத்தறி யாநிலை மெல்லவும் கூடலை

சமுதாயத்தின் இன்றைய பகுத்தறியா நிலையை யதார்த்தமான வார்த்தைகளில் விவரித்து உள்ளீர்கள் அருமை

**Aathira** · **Aathira** Mon 23 Aug 2010 - 12:28

uthuman wrote:

நன்றி உத்தமன் அன்பு மலர்

Sponsored content · Sponsored content

ஐம்பெரும் பிடியில் சிக்கி.....

ஐம்பெரும் பிடியில் சிக்கி.....

Re: ஐம்பெரும் பிடியில் சிக்கி.....

Re: ஐம்பெரும் பிடியில் சிக்கி.....

Re: ஐம்பெரும் பிடியில் சிக்கி.....

Re: ஐம்பெரும் பிடியில் சிக்கி.....

Re: ஐம்பெரும் பிடியில் சிக்கி.....

Re: ஐம்பெரும் பிடியில் சிக்கி.....

Re: ஐம்பெரும் பிடியில் சிக்கி.....

Re: ஐம்பெரும் பிடியில் சிக்கி.....

Re: ஐம்பெரும் பிடியில் சிக்கி.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக