கேட்காததையும் கொடுப்பவர் கலைஞர் - திரையுலகம் புகழாரம்!

சினிமா கலைஞர்களுக்கு மகாபலிபுரம் அருகே பையனூரில் வீடு கட்டித்தரும் கலைஞர் நகர அடிக்கல் நாட்டு விழா இன்று காலையில் சென்னையில் இடம்பெற்றது
இந்த கலைஞர் நகரத்தை முதல்வர் கருணாநிதி அடிக்கல் நாட்டி வைத்தார். விழாவில் திரையுலக பிரமுகர்கள் பலர் கலைஞருக்கு நன்றிதெரிவித்து பாராட்டினர்.

மத்திய அமைச்சரும், திரைப்பட தயாரிப்பாளருமான தாசரி நாராயணராவ் பாராட்டுகையில்:

சினிமா கலைஞர்களுக்கு மதிப்பில்லா காலம் இருந்தது. நடிகர்கள் என்றால் வாடகைக்கு வீடு கூட தரமாட்டார்கள். அப்படிப்பட்ட தொழிலில் உள்ள திரைக்கலைஞர்களுக்கு கேட்டதுமே வீடு கட்டி தரும் திட்டத்தை வழங்கியவர் முதல்வர் கலைஞர்தான்.

பட அதிபர் ஏ.வி.எம். சரவணன்:சென்னை தினம் கொண்டாடப் படும் இன்றைய தினம் கலைஞர் நகரம் கால்கோள் விழா நடைபெறுவது வரலாற்றுச் சிறப்புமிக்கதாகும். முதல்வர் திரையுலகினருக்கு ஏற்கனவே இதுபோன்ற பல திட்டங்களை வழங்கியுள்ளார்கள்.

1976ம் ஆண்டு டைரக்டர்ஸ் காலனியை அமைத்து கொடுத்தவர் கருணாநிதிதான். இதுபோல ஸ்டுடியோ கலைஞர்களுக்கும், குடியிருப்பு அமைத்து தந்திருக்கிறார். சினிமா தொழிலுக்கு அதிகம் செய்துள்ள முதல்வருக்கு நாம் என்றென்றைக்கும் நன்றியோடு இருக்க வேண்டும்.

சின்னத்திரை கூட்டமைப்பு தலைவர் இயக்குனர் விடுதலை:சினிமா தொழிலில் ஈடுபடப் போகிறோம் என்றதுமே எங்கள் பெற்றோரால் கைவிடப்பட்டவர்கள் நாங்கள். சினிமா தொழிலில் ஈடுபட்டால் அத்துடன் எங்கள் முகவரி முடிந்தது என்று பெற்றோர்கள் கருதினார்கள். எங்கள் முகவரி முடிந்துவிட்டது என கருதிய எங்களுக்கு நிலம் தந்து, வீடு தந்து எங்களை உயர்த்தியிருப்பவர் கலைஞர்.

கேட்டதெல்லாம் கொடுப்பவர் கர்ணன். கேட்காததையும் கொடுப்பவர் கலைஞர். வாழ்நாளெல்லாம் நாங்கள் நன்றியோடு இருப்போம்.
நடிகர் சங்க பொருளாளர் வாகை சந்திரசேகர் :இன்றைக்கு இந்தியாவில் உள்ள மற்ற மாநிலங்களும் பின்பற்றக்கூடிய பல சீரிய திட்டங்களை செயல் படுத்தி வருபவர் நம்முடைய முதல்வர். அந்த வகையில் இன்றைக்கு கலைஞர் நகர கால்கோள் விழா நடைபெற்று வருகிறது.

பெரியார், அண்ணா கனவுகளை நிறைவேற்றும் வகையில் சமத்துவ புரங்களை மாநில முழுவதும் அமைத்து வருகிறார் நம் முதலமைச்சர். இதற்காக கலையுலகமே பெருமைப்படுகிறது

நன்றி தமிழ் பெஸ்ட்

இவருக்கு மக்களின் மீது அக்கறை இல்லை ,,,சினிமாக்காரன் மீது மிகவும் பாசம் ,,,
பேசாமல் இவர் தன்னை சினிமா முதல்வர் என அழைத்து கொள்ள சொல்லவேண்டியதுதான்

ரபீக் wrote:இவருக்கு மக்களின் மீது அக்கறை இல்லை ,,,சினிமாக்காரன் மீது மிகவும் பாசம் ,,,
பேசாமல் இவர் தன்னை சினிமா முதல்வர் என அழைத்து கொள்ள சொல்லவேண்டியதுதான்

இவருக்கு இது தான் தொழில்.. கூத்தாடிகளை கவனிக்க நேரம் இருக்கிறது...
ஒட்டு போட்ட மக்களுக்கு நாமம் தான்