நிலா சுருங்குகிறது.. நாஸா!

ரபீக் · ரபீக் Sat 21 Aug 2010 - 22:35

நிலவு சுருங்கி வருவதாக அமெரிக்க விண்வெளி ஆய்வு நிறுவனமான நாஸா கூறியுள்ளது.

நிலவை ஆராய ஏவப்பட்ட Lunar Reconnaissance Orbiter செயற்கைக் கோள் எடுத்து அனுப்பிய படங்களை ஆய்வு செய்ததில் நிலை சுமார் 300 அடி அளவுக்கு சுருங்கியுள்ள விவரம் கிடைத்துள்ளது.

நிலவு உருவானபோது அங்கு மிக அதீதமான வெப்ப நிலை நிலவியது. பின்னர் அதன் வெப்ப நிலை குறைந்து நிலவின் வெப்பம் படிப்பாக குறைய ஆரம்பித்ததையடுத்து இந்த சுருக்கம் ஏற்பட்டதாகவும், தொடர்ந்து நிலா சுருங்கிக் கொண்டே வருவதாகவும் ஆய்வில் தெரியவந்துள்ளது.

நிலவின் மேல் பகுதியில் புதிதாக உருவாகியுள்ள மடிப்புகள், செங்குத்தான மலைகளை செயற்கைக் கோள் ஆய்வு செய்தபோது அவை 10 லட்சம் ஆண்டுகளுக்கு முன்பே ஏற்பட்டிருக்க வேண்டும் என்று தெரியவந்துள்ளது.

நிலவு உருவாகி 4.5 பில்லியன் ஆண்டுகள் ஆகிவிட்ட நிலையில், இந்த புதிய குன்றுகளும் சுருக்கங்களும் சமீபத்தியவையே (அதாவது 100 முதல் 1,000 மில்லியன் ஆண்டு்க்குள் உருவானவை) என்கிறது நாஸா.

இந்த புதிய மடிப்புகளை மேலும் ஆராயவதன் மூலம் நிலவின் நடுப் பகுதி, அதன் வெப்ப நிலை வரலாறு குறித்து பல விவரங்களை அறிய முடியும் என்கிறது இந்த ஆராய்ச்சியை மேற்கொண்டுள்ள அரிசோனா பல்கலைக்கழகத்தின் விண்வெளி ஆராய்ச்சியாளர்கள் குழு.

நன்றி தட்ஸ்தமிழ்