விதிமுறைகளை மதிப்போம் - உயிரைக் காப்போம்

by **சிவா** Tue 28 Jul 2009 - 18:33

விலை மதிக்க முடியாத மனித உயிர்கள் விபத்தில் பறிபோவதை தவிர்க்க போக்குவரத்தில் கட்டுப்பாடுகள் விதிக்கப்படுகின்றன. "சட்ட திட்டங்கள் என்ன சொன்னால் என்ன? என் வழி தனி வழி' என விதிகளை மீறுவதால் விபத்துக்கள் தொடர்கதையாகி விட்டன. மினிவேன், அரைபாடி லாரி, மணல் லாரி போன்ற திறந்த வாகனங்களில் ஆட்களை ஏற்றக்கூடாது என கட்டுப்பாடு விதிக்கப்பட்டுள்ளது. இவை விபத்தில் சிக்கினால், பயணிப்போருக்கு அதிக பாதிப்பு ஏற்படும் என்பதால் தான் இந்த கட்டுப்பாடு. இதை யாரும் மதிப்பதில்லை.

சவாரி கிடைத்தால் போதும் என வாகன உரிமையாளரும்; குறைந்த வாடகை, பணம் மிச்சம் என பயணிகளும்; யார் எக்கேடு கெட்டால் என்ன? என நமக்கு பணம் கிøட்தால் போதும் என போலீசார் மற்றும் போக்குவரத்து அதிகாரிகளும் நினைப்பதால், இந்த விதிமீறல் கட்டுங்கடங்காமல் போய்விட்டது. உயிர் பலிகளும் அதிகரித்து வருகின்றன. விதிமீறலால் உயிர்கள் பறிபோவதை கண்டிப்புடன் தடுக்க வேண்டும். பயணிகள், வாகன உரிமையாளர்கள், அதிகாரிகள், மக்கள் பிரதிநிதிகள் என அனைவரும் பொறுப்பை உணர்ந்தால் மட்டுமே விபத்தை தவிர்ப்பது சாத்தியம்.