தேர்வு செய்தது முதலை

சிட்னி : ஆஸ்தி ரேலியாவில் இன்று நடைபெறும் பிரதமர் தேர்லில் 50 ஆண்டுகளில் இல்லாத கடும் போட்டி நிலவுகிறது. அதில் பிரதமர் ஜூலியா வெற்றி பெறுவார் என முதலை, ஆக்டோபஸ் ஜோசியங்கள் கூறுகின்றன. ஆஸ்திரேலியாவில் புதிய பிரதமரை தேர்வு செய்வதற்கான தேர்தல் இன்று நடைபெறுகிறது. அதில் தற்போதைய பெண் பிரதமர் ஜூலியா ஜிலார்ட் போட்டியிடுகிறார். அவரை எதிர்த்து டோனி அபாட் களத்தில் உள்ளார். கடந்த சில மாதங்களாக பிரசாரம் அனல் பறந்தது.அவ்வப்போது வெளியான கருத்து கணிப்புகளில் இரண்டு பேருக்கும் இடையே கத்தி முனை இடைவெளியே இருப்பதாக கூறப்பட்டது. இன்றைய தேர்தலில் யாருக்கு வெற்றி என்பதை உறுதியாக கூற முடியாத நிலையில் அரசியல் பார்வையாளர்கள் உள்ளனர். ஆனால், இப்போது பேஷனாகி விட்ட ஆக்டோ பஸ், முதலை ஜோசியர்களின் கணிப்புகள், பிரதமர் ஜூலியா வெற்றி பெற்று பதவியை தக்க வைப்பார் என கூறுகின்றன. உலக கோப்பை கால்பந்து போட்டியில் 8 ஆட்டங்களை சரியாக கணித்தது ஜெர்மனியை சேர்ந்த ஆக்டோபஸ் பால்.அதை பின்பற்றி சிட்னியை சேர்ந்த முதலை பண்ணையில் உள்ள ஹேரி என்ற முதலையும் உலக கோப்பை இறுதி போட் டியில் ஸ்பெயின் வெல்லும் என்று சரியாக கணித்தி ருந்தது. அதன் தொட்டிக்கு மேல் 2 கயிறுகளில் நேற்று சிக்கன் கட்டி வைக்கப்பட் டது. ஜூலியா, டோனியின் படங்களும் இடம்பெற்றன. ஒரு நிமிடம் தலையாட்டி யோசித்த ஹேரி, ஜூலியா படம் இருந்த சிக்கனை கவ்விச் சென்றது. சிட்னி நீர் அருங்காட்சியகத்தை சேர்ந்த காசன்ட்ரா என்ற ஆக்டோபசும் ஜூலியா வையே தேர்வு செய்தது. இந்த ஜோசியங்கள் பலிக் குமா என ஆஸி. மக்கள் ஆவலுடன் காத்திருக்கின் றனர்.