திருப்பதி மலைப்பாதையில் இரவு 8 வரை செல்லலாம்

திருமலை : திருப்பதியில் சிறுத்தை, கரடிகள் நடமாட்டத்தால் மலைப்பாதையில் பக்தர்கள் சென்று வருவதற்கு விதிக்கப்பட்டு இருந்த தடை நேரம் நாளை முதல் குறைக்கப்படுகிறது. திருப்பதி ஏழுமலையான் கோயிலுக்கு அலிபிரியில் இருந்து மலைப்பாதை வழியாக தினமும் ஏராளமான பக்தர்கள் பாதயாத்திரையாக செல்கின்றனர். இந்த பாதையில் சில வாரங்களுக்கு முன்பு 2 சிறுமிகளை சிறுத்தை தாக்கியதை தொடர்ந்து, இந்த பாதையில் செல்லவே பக்தர்கள் பயப்படுகின்றனர். வனத்துறை வைத்த கூண்டில் ஒரு சிறுத்தை சிக்கிய போதிலும், அந்த பகுதியில் மேலும் சில சிறுத்தைகளின் நடமாட்டம் உள்ளது. இது தவிர, கரடிகளும் உள்ளன.இதனால் பக்தர்களின் உயிருக்கு ஆபத்து ஏற்பட்டுள்ளதால், மாலை 4 மணி முதல் மறுநாள் காலை 6 மணி வரை அலிபிரி மலைப்பாதை வழியாக சென்று வர பக்தர்களுக்கு தடை விதிக்கப்பட்டது. இந்நிலையில், இந்த நேரம் நாளை முதல் மாற்றப்பட உள்ளது. இது குறித்து தேவஸ்தான செயல் அதிகாரி கிருஷ்ணாராவ் அளித்த பேட்டியில், ‘‘திருப்பதி வனப்பகுதிக்குள் இருந்த சிறுத்தைகளும், மற்ற விலங்குகளும் இப்போது அலிபிரி மலைப்பாதை பகுதியில் சுற்றுகின்றன. இவற்றை பிடிக்க தேவஸ்தானமும், வனத்துறையும் கூட்டாக செயல்பட்டு வருகின்றன. கண்காணிப்பும் தீவிரப்படுத்தப்பட்டு உள்ளது. இதனால், அலிபிரி மலைப்பாதையில் பக்தர்கள் சென்று வருவதற்கான நேரம், 22ம் தேதி முதல் மாற்றப்படுகிறது. அதன்படி, மாலை 4 மணி முதல் மறுநாள் காலை 6 மணி வரை விதிக்கப்பட்டுள்ள தடை, இப்போது இரவு 8 மணி முதல் அதிகாலை 5 மணியாக மாற்றப்பட்டுள்ளது’’ என்றார்.நாள் பவித்ர உற்சவம் துவக்கம்திருப்பதி ஏழுமலையான் கோயிலில் 3 நாள் பவித்ர உற்சவம் நேற்று தொடங்கியது. திருப்பதி ஏழுமலையான் கோயிலில் ஆண்டு முழுவதும் எண்ணற்ற அபிஷேக ஆராதனைகள், சிறப்பு அலங்காரங்கள் செய்யப்படுகிறது. இவற்றில் ஏதேனும் குறை இருந்தால் கோயிலுக்கு தோஷம் ஏற்பட்டுவிடும் என்பது ஐதீகம். இதைத் தவிர்க்க ஒவ்வொரு ஆண்டும் ஆவணி மாதத்தில் பவித்ர உற்சவம் 3 நாள் நடத்தப்படுகிறது.இந்த ஆண்டுக்கான ஆவணி மாத பவித்ர உற்சவம் ஏழுமலையான் கோயிலில் உள்ள வைபவ மண்டபத்தில் நேற்று தொடங்கியது. இதை தேவஸ்தான செயல் அதிகாரி கிருஷ்ணா ராவ் நேற்று காலை தொடங்கி வைத்தார். இன்றும், நாளையும் இந்த உற்சவம் தொடர்ந்து நடைபெறும்.