எடையை குறைக்கும் "ஆப்பரேஷன்' வடமலையானில் அறிமுகம்

நவீன் · நவீன் Sat Aug 21, 2010 8:42 am

மதுரை: உடல் எடையை நிரந்தரமாக குறைக்கும் "பேட்யாட்ரிக் மற்றும்
மெட்டபாலிக்' அறுவை சிகிச்சை, மதுரை வடமலையான் மருத்துவமனையில் நேற்று
அறிமுகப்படுத்தப்பட்டது. மருத்துவமனைத் தலைவர் புகழகிரி, அறுவை சிகிச்சை
நிபுணர் ராஜ்குமார் கூறியதாவது : எந்த இடத்தில் அதிக கொழுப்பு உள்ளதோ,
அப்பகுதியில் மட்டும் கொழுப்பை குறைக்கும் முறை"லிப்போ சக்ஷன்'. இது
தற்காலிக முறை. தொடர்ந்து சாப்பிட ஆரம்பித்தால், மீண்டும் எடை
அதிகரிக்கும். "பேட்யாட்ரிக் மற்றும் மெட்டபாலிக்' முறையில், இரைப்பையின்
அளவை குறைக்கலாம். வாயில் உட்கொள்ளும் உணவு, நேராக சிறுகுடலுக்கு செல்லும்
முறையில் வடிவமைக்கலாம். இவ்வாறு செய்வதன் மூலம் உடலின் ஹார்மோன்
மாற்றம், வளர்சிதை மாற்றத்தை ஏற்படுத்தி, தொடர்ந்து உடல் எடையை
குறைக்கலாம். இந்த அறுவை சிகிச்சையின் மூலம் உணவு சாப்பிடும் அளவு
குறையும். ஆறு மாதத்துக்குள் கணிசமான அளவு எடை குறையும். நீரிழிவு, ரத்த
அழுத்தம், எலும்புத் தேய்மானம், இருதயக் கோளாறு, மூட்டுவீக்கம் போன்ற
நோய்களுக்கு இந்த சிகிச்சை வரப்பிரசாதம். லேப்ராஸ்கோப்பி மூலம் வயிற்றில்
துளையிட்டு செய்யப்படுவதால், தழும்புகள் ஏற்படாது. சென்னையில்
இச்சிகிச்சைக்கு 4.5 முதல் ஆறு லட்சம் வரை செலவாகிறது. மதுரையில் 50 சதவீத
கட்டணத்தில் சிகிச்சை அளிக்கிறோம் என்றனர். தலைமை செயல் அலுவலர்
ஹேமலட்சுமி ஏற்பாடுகளைச் செய்திருந்தார்.

எடையை குறைக்கும் "ஆப்பரேஷன்' வடமலையானில் அறிமுகம்

எடையை குறைக்கும் "ஆப்பரேஷன்' வடமலையானில் அறிமுகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக