டி.ஆர்.ஓ., காரை ஏலம் எடுத்தவர் அலைக்கழிப்பு

நவீன் · நவீன் Sat Aug 21, 2010 8:20 am

ராமநாதபுரம்: ராமநாதபுரம் டி.ஆர்.ஓ., காரை ஏலத்தில் எடுத்த, சிவகங்கை
மாவட்ட விவசாயியை, அதிகாரிகள் அலைக்கழித்து வருகின்றனர். சிவகங்கை
மாவட்டம் நடராஜபுரம் அருகே செங்குழிப்பட்டியை சேர்ந்தவர் விவசாயி
முத்து(32). பயன்பாடு முடிந்த அரசு வாகனங்களை ஏலத்தில் எடுப்பதற்காக
விண்ணப்பித்து, கடந்த ஜூன் 15ல் அதற்கான டெண்டர், சென்னை வேளச்சேரியில்
உள்ள அரசு தானியங்கி மையத்தில் நடந்தது. இதில், ராமநாதபுரம்
டி.ஆர்.ஓ.,வுக்கான அரசு காரை(டி.என்.59 ஜி.9999) 32 ஆயிரத்து 500 ரூபாய்,
12.5 சதவீதம் வரியுடன் ஏலத்தில் எடுத்தார். இதற்கான நடைமுறைகள் முடிந்த
நிலையில், காரை பெறுவதற்காக கலெக்டரின் நேர்முக உதவியாளர்(பொது) ஜெயராமனை
சந்தித்துள்ளார். அப்போது, கலெக்டர் அலுவலக அதிகாரிகள் சிலர், காரை
விலைக்கு கேட்டுள்ளனர். இதற்கு முத்து மறுத்துள்ளார். இதற்கிடையில்,
முத்துவிடம் காரை ஒப்படைக்காமல், அதை விதிகளுக்கு மாறாக பயன்படுத்தி
வருகின்றனர். ஏலத்துக்கு பின், 8,000 கி.மீ., வரை இயக்கப்பட்டும், இன்று
வரை காரை வழங்குவதற்கான நடைமுறைகள் மேற்கொள்ளவில்லை. முத்து கூறியதாவது:
கலெக்டர் அலுவலகத்தில் சிலர் காரை விற்குமாறு என்னிடம் கூறினார். நான்
மறுத்துவிட்டேன். இதை மனதில் வைத்து தான், காரை தராமல் இழுத்தடித்து
வருகின்றனர். "இசட்' பிரிவில் எனது "பைல்' பரிசீலனையில் அப்படியே உள்ளது.
காரை பயன்படுத்தியதால் அதன் தேய்மானமும் அதிகரித்து விட்டது, என்றார்.
டி.ஆர்.ஓ., பாலசுப்பிரமணியன் கூறுகையில்,"" சம்பந்தப்பட்ட நபருக்கு
இன்னும் ஒரு மாதத்தில் காரை வழங்க ஏற்பாடு செய்யப்படும்,'' என்றார்.

டி.ஆர்.ஓ., காரை ஏலம் எடுத்தவர் அலைக்கழிப்பு

டி.ஆர்.ஓ., காரை ஏலம் எடுத்தவர் அலைக்கழிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக