இந்திய நாட்டு விமானங்களை கடத்தினால் மரணதண்டனை - டெல்லி மேல்சபை முடிவு

விமானத்தை கடத்துபவர்களுக்கு மரணதண்டனை விதிக்க வகை செய்யும் மசோதா டெல்லி மேல் சபையில் தாக்கல் செய்யப்பட்டது. இது பற்றி அறிய வருவதாவது,
தற்போது அமலில் உள்ள விமான கடத்தல் தடுப்பு சட்டம் 1982 ஆம் ஆண்டு இந்தியநாட்டு சட்டத்தில் கொண்டு வரப்பட்டது.



இதன்படி விமான கடத்திலில் ஈடுபடுபவர்களுக்கு ஆயுள் தண்டனையும்,அபாராதமும் தான் விதிக்கப்படுகிறது. கடந்த 1999 ம் ஆண்டு இந்தியன் ஏர்லைன்ஸ் விமானம் ஆப்கானிஸ்தானில் உள்ள காந்தகாருக்கு கடத்தி செல்லப்பட்டது. கடந்த 2001 ம் ஆண்டு அமெரிக்காவில் அல்-கொய்தா தீவிரவாதிகள் விமானங்களை கடத்தி சென்று, அவற்றை ஏவுகனைகளை போல பயன்படுத்தி உலக வர்த்தக மையத்தின் மீது மோதி தகர்த்தனர்.

இது போல்,விமான கடத்தல் சம்பவங்கள் பெருகிவிட்டதாலும், விமான கடத்தல் அபாயம் நீடித்து வருவதாலும் விமான கடத்தல் ஆசாமிகளுக்கு தண்டனை கடுமையாக்கப்பட வேண்டும் என்ற கருத்து பரவலாக எழுந்து வந்துள்ளது.

இந்த நிலையில் விமான கடத்ததல் தடுப்பு சட்ட திருத்த மசோதா புதிதாக உருவாக்கப்பட்டு நேற்று டெல்லி மேல்சபையில் தாக்கல் செய்யப்பட்டது. இந்திய சிவில் விமான போக்குவரத்து மந்திரி பிரபுல் படேல் இந்த மசோதவை தாக்கல் செய்தார்.

இதன்படி, விமான கடத்தலில் ஈடுபடுகிறவர்களுக்கு மரண தண்டனை அளிக்க வழிவகை செய்யப்பட்டுள்ளது. இந்த மசோதாவில்' தற்போது விமான கடத்தல் குற்றத்துக்கு அளிக்கப்படும் தண்டனை குறைவானதாக உள்ளது.

இக்குற்றத்தை தடுக்க இது போதுமானதாக இல்லை. எனவே, விமான கடத்தலின் அனைத்து அம்சங்களையும் உள்ளடக்கிய வகையில் ஏற்கனவே உள்ள சட்டபிரிவுகளை விஸ்தரிக்கவும்,மரண தண்டனை அளிக்கும் வகையிலும் சட்டத்தை திருத்த இந்த மசோதா கொண்டு வரப்படுகிறது' இவ்வாறு அதில் கூறப்பட்டுள்ளதாக அங்கிருந்து வரும் தகவல்கள் தெரிவிக்கின்றன.

இவனுங்க எப்போ தாக்கல் செய்து எப்போ தண்டனை கொடுத்து

முதல்ல விமானத்தை கடத்துபவர்கள் யார்னு கண்டுபிடிக்க சொல்லுங்க அப்புறம் தண்டனை தர்றத பத்தி யோசிக்கலாம்....

அப்பா வெளி நாட்டு விமானங்களை கடத்தலாமா ?