உலகத் தலைநகரங்கள் - ரியாத்

**சிவா** · **சிவா** Fri Aug 20, 2010 11:03 am

இஸ்லாமிய சமயத்தின் தாயகமான சவுதி அரேபியாவின் தலைநகரம் ரியாத். ”ரிவ்தா” என்ற அரேபியச் சொல்லில் இருந்தே பிறந்ததே ரியாத் என்பதாகும். `தோட்டம்' என்பது இதற்குப் பொருள். சுமார் 600 சதுர மைல் பரப்பளவுடைய இந்த நகரம், சவுதி அரேபியாவின் கலை, கல்வி மற்றும் பொருளாதார மையமாகத் திகழ்கிறது. 2009-ம் ஆண்டு நடந்த கணக்கெடுப்பின்படி சுமார் 48 லட்சத்து 78 ஆயிரத்து 723 பேர் இங்கு வசிக்கின்றனர்.

கோதுமை, பேரீச்சம்பழம், உருளைக்கிழங்கு போன்றவை முக்கிய விளைபொருட்களாக உள்ளன. இந்நகரத்தின் கிழக்கு மற்றும் வடகிழக்குப் பகுதிகளில் ஏராளமான எண்ணை நிறுவனங்கள் உள்ளன. இஸ்லாமியர்களின் புனிதத்தலமாக இருப்பதால் நகரம் முழுவதும் சுமார் 4 ஆயிரத்து 30 மசூதிகள் உள்ளன. இங்கு `ரியால்' என்ற நாணயம் பயன்படுத்தப்படுகிறது.

கச்சா எண்ணை மற்றும் பெட்ரோலியப் பொருட்கள் இங்கிருந்து உலகம் முழுவதும் ஏற்றுமதி செய்யப்படுகின்றன. `நெஜ்டி கப்சா' என்பது ரியாத்தின் பாரம்பரிய உணவாகும். 1999-ம் ஆண்டு `கிங் அப்துல் அஜீஸ் ஹிஸ்டாரிக்கல் சென்டர்' என்ற பெயரில் அருங்காட்சியகம் அமைக்கப்பட்டது. இதில் ஏராளமான அரியகலைப் பொருட்கள் பார்வைக்கு வைக்கப்பட்டுள்ளன.

இங்கு புகழ்பெற்ற விளையாட்டாகக் கால்பந்து திகழ்கிறது. `கிங் காலித் தேசிய விமான நிலையம்' இந்த நகரத்தில் அமைந்துள்ளது. உலகில் உள்ள பெரிய விமான நிலையங்களில் இது 4-ம் இடம் பெற்றுள்ளது. ஆண்டுதோறும் சுமார் 2 கோடி பயணிகள் இங்கு வந்து செல்கின்றனர். அரபி மொழி இந்த நகரத்தின் தாய்மொழியாக உள்ளது.

இங்கு வசிக்கும் மக்களில் 60 சதவீதம் பேர் மட்டுமே சவுதி அரேபியாவைச் சேர்ந்தவர்கள். மீதமுள்ள 40 சதவீதம் பேர் ஆப்பிரிக்கா, தெற்காசியா மற்றும் ஐரோப்பாவைச் சேர்ந்தவர்கள்.

தமிழ் · தமிழ் Fri Aug 20, 2010 11:13 am

தகவலைப் பகிர்ந்தமைக்கு மிக்க நன்றி அண்ணா அன்பு மலர்

ரபீக் · ரபீக் Fri Aug 20, 2010 12:46 pm

தகவலுக்கு நன்றி தல

Sponsored content · Sponsored content

உலகத் தலைநகரங்கள் - ரியாத்

உலகத் தலைநகரங்கள் - ரியாத்

Re: உலகத் தலைநகரங்கள் - ரியாத்

Re: உலகத் தலைநகரங்கள் - ரியாத்

Re: உலகத் தலைநகரங்கள் - ரியாத்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக