முதலிரவில் கிடைத்த அதிர்ச்சி!

"நான் நினைத்துக் கூட பார்க்க முடியாத அளவுக்கு அதிர்ச்சி தந்தது என் முதலிரவு. அந்த இரவை நினைத்தாலே உடல் நடுங்குகிறது!'' என்று கண்கலங்குகிறார் ரத்தி. இவரது வயது 37.

அப்படி என்னதான் நடந்தது?

``எங்கள் ஏரியாவில் நடக்கும் அனைத்து சமூக சேவைகளிலும் அவர் கலந்து கொள்வார். எல்லா வேலைகளையும் இழுத்துப் போட்டுக் கொண்டு செய்வார். பார்த்தால் மிகவும் எளிமையாகவும், காந்தீய சிந்தனையுடன், அமைதியாக பேசுவார். இதனால் எனக்கு அவரை பிடித்துப் போனது. அவருக்கு என்னைவிட பத்து வயது அதிகம் என்றாலும் எனக்குப் பிடித்த பழக்கவழக்கங்கள் அவரிடம் இருந்ததால் அவர் மீது எனக்கு ஈர்ப்பு ஏற்பட்டது.

விரைவிலேயே எங்களுக்குள் காதல் ஏற்பட்டது. ஆறு மாதங்களுக்குப் பிறகு திருமணம் செய்து கொள்ள விரும்பினோம். ஆனால் அப்பாவோ அவருக்கு என்னை திருமணம் செய்து கொடுக்க மறுத்துவிட்டார். இதனால் எனக்கும், அப்பாவுக்கும் இடையே கடும் வாக்குவாதம் ஏற்பட்டது. முடிவில் வீட்டை விட்டு வெளியேறிய நான், ரகசியமாக திருமணம் செய்து கொண்டேன்'' என்று கூறும் ரத்தி, கொடூரமான அந்த முதலிரவு பற்றி சொல்லத் தொடங்குகிறார்.

"பெற்றோரை எதிர்த்து திருமணம் செய்து கொண்டதால் மனமும், இரண்டு நாட்களாக தூக்கமின்றி அலைந்ததால் உடலும் மிகவும் சோர்வுற்றிருந்தது. அதனால் முதலிரவில் உடலுறவு வேண்டாம் என்று அவரிடம் கூறினேன். ஆனால் அதையும் மீறி, என்னை கட்டாயப்படுத்தி உடலுறவு கொண்டார். ஒவ்வொரு முறை என்னுடன் உடலுறவு கொள் ளும் போதும் மிகவும் வன்முறையுடன் நடந்து கொண்டார். தாங்கிக் கொண்டேன். திருமணமான புதிதில் எனக்கு வேலை கிடைத்து விட, காலையில் வேலைக்குப்போனால் இரவில்தான் வீடு திரும்புவேன்'' என்கிற அவர், அடுத்த அதிர்ச்சியை சொல்லத் தொடங்கு கிறார். "நான் இரவில் வீடு திரும்பும்போது எங்கள் வீட்டு பாத்ரூமில் ஆணுறைகளை பார்ப்பேன். எனக்கு சந்தேகம் வந்தது. அன்று வேலைக்கு சென்று விட்டு, சீக்கிரமாகவே வீட்டுக்கு வந்தேன். கதவு திறந்து இருந்தது. உள்ளே எனது கணவரும், மற்றொரு ஆணும் முனங்குவது போல் கேட்டது. மெதுவாக உள்ளே சென்று பார்த்தால் எனக்கு பயங்கர அதிர்ச்சி. என்னால் அந்த காட்சியை பார்க்கவே அருவறுப்பாக இருந்தது. வீட்டை விட்டு வெளியே வந்து விட்டேன். சிறிது நேரம் கழித்து வீட்டை விட்டு வெளியே வந்த எனது கணவர் சிரித்துக் கொண்டே, `இதெல்லாம் சகஜம்' என்பது போல் என்னைப் பார்த்தபடி அந்த ஆணோடு சென்று விட்டார். மேலும் அவருக்கு போதை பழக்கமும், பல பெண்களுடன் தொடர்பும் இருந்ததை தெரிந்து கொண்டேன்.

பின்பு அவரிடம் இருந்து விவாகரத்து கோரி நீதிமன்றத்தில் வழக்கு தொடர்ந்தேன். இடையில் என்னிடம் வம்பு செய்தார். இதுபற்றி எனது சகோதரர்கள் மற்றும் நண்பர்களிடம் கூறினேன். அவர்கள் அவரை அடித்து உதைத்து மிரட்டி விட்டனர். அன்று முதல் என்பக்கம் வருவதில்லை. அதன் பின்னர் நிம்மதியான, பாதுகாப்பான வாழ்க்கையை தேடினேன்.'' -என்று கூறும் ரத்தி இப்போது புதிய வாழ்க்கை நடத்துகிறார்.

"என் மேல் அக்கறை கொண்டவர்கள் வற்புறுத்துதலின் காரணமாக ஹிமத்சிங் என்பவரை மறுமணம் செய்து கொண்டேன். அவரைப் பற்றி முழுமையான தெரிந்த பின்னரே திருமணத்துக்கு ஒத்துக் கொண்டேன். தற்போது எனது மகள் சிமோன் மற்றும் அன்பான கணவர் என்று வாழ்க்கை நல்லபடியாக போய்க் கொண்டிருக்கிறது. பெண்களை பாதுகாக்கும் ஒரு தனியார் தொண்டு நிறுவனத்தில் உயர் பொறுப்பில் பணியாற்றி வருகிறேன்'' என்கிறார், ரத்தி.

ஞாயிறு மலர்!

தோழி ரத்தி அவர்களின் வாழ்க்கை கனத்த வேதனை அளிக்கிறது. சரி நடந்தது நடந்து விட்டது. தங்கள் புதிய வாழ்வில் என்றும் அமைதியும், மகிழ்ச்சியும் நிறையட்டுமாக

ராஸ்கல் ,அவனையெல்லாம் பால்டாயில் ஊத்தி கொல்லனும்

ரபீக் wrote:ராஸ்கல் ,அவனையெல்லாம் பால்டாயில் ஊத்தி கொல்லனும்

அப்படி என்றால் என்ன