டீன் உட்பட 5 பேர் மீது கொலை வழக்கு

நவீன் · நவீன் Thu Aug 19, 2010 7:27 pm

காஜியாபாத் : உ.பி.யில் தனியார் பொறியியல் கல்லூரி விடுதி மாடியில் இருந்து முதலாம் ஆண்டு மாணவர் குதித்து தற்கொலை செய்து கொண்டது தொடர்பாக 4 சீனியர் மாணவர்கள், விடுதி தலைவர் (டீன்) மீது போலீசார் கொலை வழக்குப் பதிவு செய்துள்ளனர். காஜியாபாத் அருகே மோடி நகரில், எஸ்.ஆர்.எம். பொறியியல் கல்லூரி உள்ளது. இதன் விடுதி மாடியில் இருந்து கடந்த வாரம் ஞாயிற்றுக் கிழமை அபிஷேக் சகாய் (19) என்ற முதலாம் ஆண்டு மாணவர் குதித்து தற்கொலை செய்து கொண்டார்.காவல் நிலையத்தில் சகாயின் தந்தை உதய் காந்த் அளித்துள்ள புகாரில், ‘என் மகனை சில சீனியர் மாணவர்கள் ராகிங் செய்துள்ளனர். அவனை விடுதி மாடியில் இருந்து தூக்கிப் போட்டு கொலை செய்துள்ளனர். இதற்கு கல்லூரி அதிகாரிகள் சிலரும் உடந்தையாக இருந்துள்ளனர்’ என்று கூறியுள்ளார்.மேலும், ‘என் தம்பியை பார்ப்பதற்காக அவருடைய நண்பர் ஒருவர் சென்று இருக்கிறார். வெளியே காத்திருந்த அவருக்கு சகாய் அனுப்பிய எஸ்.எம்.எஸ்.சில், தான் ராகிங் செய்யப்படுவதாகவும், இப்போது வந்து பார்க்க முடியாது என்றும் கூறி இருக்கிறான். பேஸ் புக்கிலும் இந்த தகவல் இருக்கிறது’ என்று சகாயின் சகோதரர் ஸ்ரீவன்சு தெரிவித்து உள்ளார். இதையடுத்து, நான்கு சீனியர் மாணவர்கள் மீதும் விடுதியின் தலைவர் மீதும் போலீசார் கொலை, கூட்டுச்சதி, ராகிங் மற்றும் கலவரத்தில் ஈடுபடுதல் ஆகிய பிரிவுகளின் கீழ் வழக்குப் பதிவு செய்துள்ளனர். கடந்த ஆண்டும் இந்த கல்லூரி மாணவர் ஒருவர் ராகிங்கால் தற்கொலை செய்ததால் பெரும் சர்ச்சை எழுந்தது குறிப்பிடத்தக்கது.

டீன் உட்பட 5 பேர் மீது கொலை வழக்கு

டீன் உட்பட 5 பேர் மீது கொலை வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக