இலவச உணவு தானியம் சாத்தியமில்லை: ஷரத் பவார்

நவீன் · நவீன் Thu Aug 19, 2010 6:28 pm

உச்ச நீதிமன்றம்
கூறியதுபோன்று வீணாகும் இலவச உணவு தானியங்களை ஏழைகளுக்கு இலவசமாக
வழங்குவது சாத்தியமானது இல்லை என்று மத்திய உணவு மற்றும் வேளாண் துறை
அமைச்சர் ஷரத் பவார் தெரிவித்துள்ளார்.

அண்மையில்
பஞ்சாப் உள்ளிட்ட சில வட மாநிலங்களில் பெய்த கன மழையினால் ஏற்பட்ட
வெள்ளத்தின்போது, போதிய முன்னெச்சரிக்கை நடவடிக்கைகளை மேற்கொள்ளாததால்,
உணவு தானியக் கிடங்குகளில் இருப்பு வைக்கப்பட்டிருந்த ஆயிரக்கணக்கான டன்
உணவு தானியங்கள் நீரில் மூழ்கி வீணாகின.

இது குறித்த செய்தி ஊடகங்களில் வெளியானதைத் தொடர்ந்து, உச்ச நீதிமன்றத்தில் இது தொடர்பாக பொதுநலன் மனு ஒன்று தாக்கல் செய்யப்பட்டது.

இதனை
விசாரித்த உச்ச நீதிமன்றம், உணவு தானியங்களை இருப்பு வைக்க முடியாமல்
இதுபோன்று கெட்டுப்போகச் செய்து வீணாக்குவதற்குப் பதிலாக, அவற்றை
ஏழைகளுக்கு இலவசமாக வழங்கலாம் என்று மத்திய அரசுக்கு அறிவுரை வழங்கி
இருந்தது.

இந்நிலையில்,
டெல்லியில் இன்று செய்தியாளர்களிடம் பேசிய பவாரிடம் இது குறித்து
கேட்டபோது, உணவு தானியங்களை ஏழைகளுக்கு இலவசமாக வழங்கலாம் என்ற உச்ச
நீதிமன்ற உத்தரவை அமல்படுத்துவது சாத்தியமானது அல்ல என்றார்.

உணவு
தானியங்களை மிகவும் வறிய நிலையில் உள்ள ஏழைகளுக்கு இலவசமாகவோ அல்லது
மிகக்குறைந்த விலையிலோ வழங்கலாம் என்றுதான் உச்ச நீதிமன்றம் ஆலோசனைக்
கூறியது.

உணவு தானியங்களை அரசு இலவசமாக வழங்க முடியாது.ஆனால் அரிசி, கோதுமை போன்றவ்ற்றை மலிவான விலையில் வழங்கிக் கொண்டுதான் உள்ளது.

"அந்தோதயா
அன்ன யோஜனா" திட்டம் பரம ஏழைகளுக்காகத்தான் செயல்படுத்தப்பட்டு
வருகிறது.ஒரு கிலோ கோதுமையை ரூ.16 க்கு வாங்கி, அதனை கிலோ ரூ. 2 க்கு அரசு
வழங்கி வருகிறது.

உச்ச நீதிமன்றம் சொல்வதை அரசு ஏற்கனவே செய்துகொண்டுதான் இருக்கிறது என்று பவார் மேலும் தெரிவித்தார்.

இலவச உணவு தானியம் சாத்தியமில்லை: ஷரத் பவார்

இலவச உணவு தானியம் சாத்தியமில்லை: ஷரத் பவார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக