குழந்தைகள் மனதை பாதிக்கும் சூப்பர் மேன்கள்

நவீன் · நவீன் Thu Aug 19, 2010 5:51 pm

வாஷிங்டன்: சூப்பர்மேன் கேரக்டர்களால் குழந்தைகள் மனம் வெகுவாக பாதிக்கப்படுவதாக அமெரிக்க உளவியலாளர்கள் கூறுகின்றனர்.
முன்பெல்லாம்
காமிக்ஸ் புத்தகங்களில் தான் ‘சூப்பர் மேன்’ கேரக்டர்கள் வந்தன. ஆனால்
இப்போது சினிமாவிலும் டிவியிலும் விதவிதமான பெயர்களில் ‘சூப்பர்மேன்’
கேரக்டர்கள் உலா வருகின்றன. சாதாரண மனிதர்களை காட்டிலும் அபார சக்தி
வாய்ந்தவர்களாக காட்டப்படும் இந்த கேரக்டர்களை குழந்தைகள் விரும்பி
பார்ப்பார்கள்.

வன்முறையாளர்களாவும் வில்லன்களை பழிக்கு பழி
வாங்குபவர்களாகவும் சித்தரிக்கப்படும் இவர்களை குழந்தைகள் தங்களின் ரோல்
மாடலாக எடுத்துகொள்வதால் மனதளவில் வெகுவாக பாதிக்கப்படுவதாக
கண்டுபிடிக்கப்பட்டுள்ளது. பழைய காமிக்ஸ் புத்தகங்களில் வந்த
‘சூப்பர்மேன்’ கேரக்டர்கள் சமூகநீதியில் அக்கறை உள்ளவர்களாகவும் மற்ற
மனிதர்களை போல தங்கள் கடமைகளை செய்பவர்களாகவும் சித்தரிக்கப்பட்டனர்.
சூப்பர்மேன் உடையில் இல்லாத போது அவர்கள் சாதாரண மனிதனாக ரியல் லைப்
பிரச்சனைகளை சந்திப்பவராக இருப்பார்கள். ஆனால் இப்போது டிவியிலும்
சினிமாக்களிலும் வரும் சூப்பர்மேன்கள் அப்படி இருப்பதில்லை.

எப்போதும்
சண்டை போடுபவர்களாக, கடும் சொற்களை பேசுபவராக, பெண்கள் பின்னால் சுற்றும்
பிளேபாயாக காட்டப்படுகிறார்கள். எப்போதாவதுதான் நல்ல கருத்துகளை
பேசுகிறார்கள். இப்படிப்பட்ட கேரக்டர்களை தங்கள் ரோல் மாடலாக குழந்தைகள்
நினைத்துக் கொண்டால் அவர்களின் மனது கண்டிப்பாக பாதிக்கப்படும் என்கிறார்
அமெரிக்காவின் மசாசுசெட்ஸ் பல்கலைக்கழக உளவியலாளர் ஷரோன் லேம்ப்.