தமிழுக்கு மாறிய போலீஸ் உரையாடல் திருச்சி டி.ஐ.ஜி., அதிரடி நடவடிக்கை

அரியலூர்: திருச்சி டி.ஐ.ஜி., யாக பொறுப்பேற்ற பொன் மாணிக்கவேல்
உத்தரவை தொடர்ந்து, போலீஸ் உரையாடல் தமிழுக்கு மாறியுள்ளது.திருச்சி
டி.ஐ.ஜி.,யாக பொறுப்பேற்ற பொன் மாணிக்கவேல், கரூர், திருச்சி, பெரம்பலூர்,
அரியலூர் மற்றும் புதுக்கோட்டை மாவட்டங்களை உள்ளடக்கிய திருச்சி போலீஸ்
டி.ஜ.ஜி., சரகத்தில், பல்வேறு அதிரடி மாற்றங்களை ஏற்படுத்தி
வருகிறார்.அதன் ஒரு கட்டமாக போலீஸ்துறையின் நிர்வாக உரையாடல் மற்றும்
கட்டளை அனைத்தையும் தமிழிலேயே செயல்படுத்த வேண்டும். ஆங்கில வார்த்தை
கலந்து பேசாமல் தூய தமிழில் பேச வேண்டும் என, எஸ்.பி., முதல் ஏட்டு
உள்ளிட்ட அனைத்து போலீஸாருக்கும் உத்தரவிட்டுள்ளார்.உதாரணமாக, அரியலூர்
எஸ்.பி., அலுவலக கட்டுப்பாட்டு அறையிலிருந்து பேசும் களப்பணியாளர்,
அரியலூர் எஸ்.பி., ஆபீஸ், காலிங் டூ செந்துறை போலீஸ் ஸ்டேஷன் ஓவர்.
என்பார். பதிலளிக்கும் நபர் குட்மாணிங் செந்துறை போலீஸ் ஸ்டேஷன் கிரேடு
ஒன் என கூறி தனது பெயர் அல்லது பதவியை கூறுவார்.
இத்தகைய நடைமுறைக்கு பதிலாக, "அரியலூர் தனிப்படை பிரிவு தங்களை
அழைக்கிறது. செந்துறை காவல் நிலையத்தில் அழைப்பை ஏற்றீர்களா? நிறைவு' என
அரியலூர் எஸ்.பி., அலுவலக கட்டுப்பாட்டு அறையில் இருந்து பேசுகிறவர்
கூறுகிறார்.பதிலுக்கு, "காலை வணக்கத்துடன் தங்களது அழைப்பை ஏற்றது
செந்துறை காவல் நிலையம் நிறைவு' என மறுமுனையில் குர ல் வருகிறது.
தொடர்ந்து அவர்களது நிர்வாக உரையாடல் முழுவதும் தமிழ் சொற்களால்
அமைந்துள்ளது. அரியலூர் மாவட்டத்தில் உள்ள போலீஸ் ஸ்டேஷன்களிலும்,
இதுபோன்ற நிர்வாக செயல்பாடு அனைத்தும் தூய தமிழிலேயே உள்ளது.இதுபற்றி
சம்பந்தப்பட்ட போலீஸாரிடம் கேட்ட போது, ""தமிழகத்தில் வசிக்கும் நாம்,
ஆங்கிலம் கலக்காமல் தூய தமிழிலேயே பேச வேண்டும். முழுமையான தமிழ்
சொற்களுடன் 15 நாள் தொடர்ந்து பேசினால், மேற்கண்ட நடைமுறை பழக்கத்துக்கு
வந்துவிடும் என திருச் சி டி.ஐ.ஜி., எங்களுக்கு பிறப்பித்த கட்டளையின்
பேரில், முழுமையான தமிழ் வழி உரையாடல் நடக்கிறது,'' என்றனர்.

அப்படி போடு