கள்ளக்காதல் விபரீதம்: பெண் தற்கொலை

ஓசூர்: ஓசூரில் கள்ளக்காதலன் கைவிட்டதால் பெண் விஷம் குடித்து தற்கொலை
செய்து கொண்டார். கர்நாடகா மாநிலம் லத்கூரை சேர்ந்தவர் அசோக். இவரது மனைவி
வாணி (24). இவர்களுக்கு திருமணமாகி ஆறு ஆண்டுகள் ஆகிறது. அனுசுயா (4),
பிருத்திகா(3) ஆகிய இரு பெண் குழந்தைகள் உள்ளனர்.வாணியின் பெற்றோர் வீடு
ஓசூர் பார்வதி நகரில் உள்ளது. அதே பகுதியை சேர்ந்தவர் முனிராஜ்(24).
பக்கத்து வீடு என்பதால், திருமணத்துக்கு முன்பே வாணிக்கு முனிராஜுடன்
தொடர்பு ஏற்பட்டுள்ளது. இதை அறிந்த வாணியின் பெற்றோர் அவருக்கு உடனடியாக
லத்கூரை சேர்ந்த அசோக்குக்கு திருமணம் செய்து வைத்துள்ளனர்.திருமணத்துக்கு
பின்னும் முனிராஜுக்கும், வாணிக்கும் கள்ளத்தொடர்பு இருந்துள்ளது. இருவரும்
அடிக்கடி தனிமையில் சந்தித்து வந்தனர். இவர்களின் கள்ளக்காதல் அசோக்குக்கு
தெரிய வந்தது.அவர் மனைவியை எச்சரித்து அவரின் பெற்றோரிடம் மனைவி மீது
புகார் தெரிவித்தார். வாணியின் பெற்றோர் உறவினர்கள் மூலம் முனிராஜை
எச்சரித்துள்ளனர்.









அதனால், முனிராஜ் பார்வதி நகரில் உள்ள வீட்டை காலி செய்து விட்டு
பாரதிதாசன் நகருக்கு சென்றார். வாணியை சந்திப்பதையும் தவிர்த்து
வந்துள்ளார். அதிர்ச்சியடைந்த வாணி பலமுறை முனிராஜை தொடர்பு கொள்ள
முயன்றும் அவர் வாணியை பார்க்கவில்லை. நேற்று முன்தினம் ஓசூர் பார்வதி
நகரில் உள்ள பெற்றோர் வீட்டுக்கு செல்வதாக வாணி கணவரிடம் கூறிவிட்டு
புறப்பட்டுள்ளார். நேராக வாணி ஓசூர் பாரதிதாசன் நகரில் உள்ள முனிராஜ்
வீட்டுக்கு சென்று அவரை சந்தித்து நியாயம் கேட்டுள்ளார். அப்போது
அவர்களுக்கு இடையே தகராறு ஏற்பட்டுள்ளது. ஆத்திரமடைந்த வாணி விஷம் குடித்து
மயங்கினார். முனிராஜ் அவரை சிகிச்சைக்காக ஓசூர் அரசு மருத்துவமனைக்கு
கொண்டு சென்றார். அங்கு இருந்து மேல் சிகிச்சைக்காக பெங்களூரு கொண்டு
சென்றார். அங்கு சிகிச்சை பலனளிக்காமல் வாணி இறந்தார். வாணியின் அண்ணன்
மஞ்சுநாத் டவுன் போலீஸில் புகார் செய்தார். வாணிக்கு திருமணமாகி ஆறு
ஆண்டுகள் ஆவதால், ஆர்.டி.ஓ., விசாரிக்கிறார்.

அடடா...................