276 கால்நடை பாதுகாப்பு திட்ட முகாம்கள் நெல்லை மாவட்டத்தில்; ஆரம்பம்

நவீன் · நவீன் Thu Aug 19, 2010 5:16 pm

திருநெல்வேலி: நெல்லை மாவட்டத்தில் 276 கால்நடை பாதுகாப்பு திட்ட
முகாம்கள் நடத்தப்படுகிறது. இம்முகாம்கள் இன்று (19ம் தேதி) ஆரம்பமாகிறது.
கால்நடைகளுக்கு இலவச மருத்துவ வசதி அளிக்க ஏதுவாக, மருத்துவ வசதி
கிடைக்காத கிராமங்களில் சிறந்த வல்லுனர்களை கொண்டு கால்நடைகளுக்கு அனைத்து
சிகிச்சைகளும் தமிழக அரசின் கால்நடை பாதுகாப்பு திட்டத்தின் கீழ் இலவசமாக
அளிக்கப்படுகிறது. நடப்பாண்டில் தமிழகத்தில் கால்நடைகள் பயன் பெறும்
வகையில் 5,500 முகாம்கள் நடத்த 2.31 கோடி செலவில் மேற்கொள்ள அரசாணை
பிறப்பிக்கப்பட்டுள்ளது. நெல்லை மாவட்டத்தில் நடப்பு நிதி ஆண்டில் அனைத்து
பஞ்.,யூனியன்களிலும் 276 முகாம்களை நடத்த ஏற்பாடுகள் செய்யப்பட்டுள்ளது.
முகாம் ஒன்றிற்கு 4,200 ரூபாய் செலவிடப்படுகிறது. கால்நடை பாதுகாப்பு
முகாம்கள் நடத்தப்படும் கிராமங்களில் அனைவரும் அறியும் வகையில் பிரசாரம்
செய்யப்படுகிறது. இம்முகாம்களில் கால்நடைகளுக்கு சிகிச்சை, ஆண்மை நீக்கம்
செய்தல், குடற்புழு நீக்கம் செய்தல், சினையுறா கால்நடைகளுக்கு சிகிச்சை
மற்றும் கருவூட்டல் பணி அனைத்தும் இலவசமாக மேற்கொள்ளப்படுகிறது.
முகாம்களில் அதிக அளவில் கால்நடைகள் பங்கேற்க வசதியாக கால்நடை வளர்ப்போரை
உற்சாகப்படுத்தும் வகையில் சிறந்த கிடாரி கன்றுகள் தேர்வு செய்யப்பட்டு
பரிசுகள் வழங்கவும் ஏற்பாடுகள் செய்யப்பட்டு வருகிறது. நெல்லை
மாவட்டத்தில் நொச்சிகுளம் கிராமத்தில் இன்று (19ம் தேதி) காலை முதல்
முகாமை கலெக்டர் துவக்கி வைக்கிறார் என்று கால்நடை பராமரிப்பு துறை மண்டல
இணை இயக்குனர் தெரிவித்தார்.

276 கால்நடை பாதுகாப்பு திட்ட முகாம்கள் நெல்லை மாவட்டத்தில்; ஆரம்பம்

276 கால்நடை பாதுகாப்பு திட்ட முகாம்கள் நெல்லை மாவட்டத்தில்; ஆரம்பம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக