"சேட்டை' குரங்குகள் சிக்கின: வனத்துறையினர் புதிய யுக்தி

நவீன் · நவீன் Thu Aug 19, 2010 5:04 pm

குன்னூர் : குன்னூர் உலிக்கல் பகுதியில் சேட்டை செய்த குரங்குகளை,
வனத்துறையினர் பொறி வைத்து பிடித்து, மசினகுடி வனப்பகுதியில்
விடுவித்தனர்; பொறிக்குள் சிக்காமல் "டிமிக்கி' கொடுக்கும் குரங்களைப்
பிடிக்க, புதிய யுக்தியை கையாண்டு வருகின்றனர்.
குன்னூர் அருகே உலிக்கல் கிராமத்தில் குரங்குகள் தொல்லை
அதிகரித்துள்ளதால், அவற்றை பிடித்து வனத்தில் விட வேண்டும் என, உலிக்கல்
பேரூராட்சித் தலைவர் சுரேஷ், குன்னூர் வனத்துறைக்கு புகார் தெரிவித்தார்.
குன்னூர் ரேஞ்சர் பால்ராஜ் உத்தரவின் படி, உலிக்கல் பகுதியில் குரங்குகளை
பிடிக்க கூண்டு வைக்கப்பட்டது. நேற்று, 36 குரங்குகள் சிக்கின; மசினகுடி
வனப்பகுதியில் விடுவிக்கப்பட்டது.
டிமிக்கி கொடுக்கும் குரங்குகள்: நகரின் பல இடங்களில், குரங்குகள்
தொல்லை அதிகரித்து வருகிறது; வனப்பகுதியில் இருந்து உணவு தேடி
குடியிருப்புப் பகுதிகளுக்கு வரும் குரங்குகள், வீடுகளுக்குள் நுழைந்து
பொருட்களை அபகரிக்கின்றன. தொல்லை அதிகரிக்கும் பகுதிகளில், கூண்டுகளை
வைத்து, வாழைப்பழம், ரொட்டி, பன் உட்பட உணவுப் பொருட்களை, வனத்துறையினர்
வைக்கின்றனர்.
பல குரங்குகள், ஒரே சமயத்தில் கூண்டுக்குள் நுழையும் சமயத்தில்,
கூண்டை அடைத்து, குரங்குகளை சிறை பிடிக்கின்றனர். கூண்டில் வைக்கப்படும்
உணவுப் பொருட்களை, சில குரங்குகள் சாமர்த்தியமாக எடுத்து, வந்த வேகத்தில்
தப்பி விடுகிறது; எனவே, வேர்கடலையை பரப்பி விட்டு சிக்க வைப்பதாக,
வனத்துறையினர் தெரிவிக்கின்றனர்.

"சேட்டை' குரங்குகள் சிக்கின: வனத்துறையினர் புதிய யுக்தி

"சேட்டை' குரங்குகள் சிக்கின: வனத்துறையினர் புதிய யுக்தி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக