ஆக்கிரமிக்கப்பட்ட ஜெரூசல நகருக்கும் ரமல்லாவுக்கும் இடையில்

by masthan Thu Aug 19, 2010 1:18 pm

ஆக்கிரமிக்கப்பட்ட ஜெரூசல நகருக்கும் ரமல்லாவுக்கும் இடையில் அமைந்துள்ள குஃப்ர் அகாப் கிராமத்தில் உள்ள 30 பலஸ்தீனக் கட்டடங்களை இடித்துத் தகர்க்குமாறு இஸ்ரேலிய ஆக்கிரமிப்பு அதிகாரசபை உத்தரவு பிறப்பித்துள்ளது.

ஒஸ்லோ உடன்படிக்கையின்படி 'சீ' பிராந்தியத்தில் அமைந்துள்ள மேற்படி பிரதேசத்தில் உள்ள பலஸ்தீன் நிலங்களைக் கைப்பற்றி அவற்றில் ஸியோனிஸக் குடியேற்றங்களை விஸ்தரிக்கும் நோக்கிலேயே இந்த உத்தரவு பிறப்பிக்கப்பட்டுள்ளதாக உள்ளூர் வட்டாரங்கள் கருத்துத் தெரிவித்துள்ளன. இந்த கட்டடத் தகர்ப்பு உத்தரவுக்குப் பின்னால், ஸியோனிஸக் குடியேற்றங்களை ஒருங்கிணைப்பதோடு, ஏற்கெனவே பிரிவினைச் சுவரால் மறிக்கப்பட்டுள்ள மேற்குக் கரையிலிருந்து, ஆக்கிரமிக்கப்பட்ட ஜெரூசல நகரை முற்றாகத் துண்டிக்கும் திட்டமும் உள்ளடங்கியுள்ளது என்றும் மேற்படி தகவல் தெரிவிக்கின்றது.

கிராமவாசிகள் தகவல் அளிக்கையில், இடித்துத் தகர்க்குமாறு உத்தரவிடப்பட்டுள்ள கட்டடங்களின் சொந்தக்காரர்கள் ஒரு வாரத்துக்குள் அவற்றிலிருந்து வெளியேறுமாறு அச்சுறுத்தப்பட்டுள்ளனர் என்று தெரிவித்துள்ளனர். இடிக்குமாறு உத்தரவிடப்பட்டுள்ள கட்டடங்களுள் அக்கிராமத்தின் மாநகர சபைக் கட்டடமும் ஒன்று என்பது குறிப்பிடத்தக்கது.

by ரபீக் Thu Aug 19, 2010 1:20 pm

ரொம்ப ஆடுனா ஒரு நாள் அடங்கித்தான் போகணும் ,,,இஸ்ரேலை யார் வந்து அடக்கப் போறாங்களோ

ஆக்கிரமிக்கப்பட்ட ஜெரூசல நகருக்கும் ரமல்லாவுக்கும் இடையில்

ஆக்கிரமிக்கப்பட்ட ஜெரூசல நகருக்கும் ரமல்லாவுக்கும் இடையில்

Re: ஆக்கிரமிக்கப்பட்ட ஜெரூசல நகருக்கும் ரமல்லாவுக்கும் இடையில்