அரசு கல்லூரியில் 31ம் தேதி வரை சேர்க்கை

நவீன் · நவீன் Thu Aug 19, 2010 1:07 pm

பாப்பாரப்பட்டி: பாப்பாரப்பட்டி அரசு கலைக்கல்லூரியில் சேர்க்கை வரும்
31ம் தேதிவரை நடக்கிறது.நடப்பாண்டு முதல் துவங்கப்பட்டுள்ள பாப்பாரப்பட்டி
அரசு கலைக்கல்லூரியில் கடந்த ஆகஸ்ட் 12ம் தேதி முதல்கட்ட கலந்தாய்வு
நடந்தது. இதனை தொடர்ந்து 17ம் தேதி இரண்டாம் கட்ட கலந்தாய்வு நடந்தது.
மாணவர் சேர்க்கை குறித்து கல்லூரி முதல்வர் கருணாகரன் கூறியதாவது:பெரியார்
பல்கலைக்கழக பாடத்திட்டத்தின் கீழ் துவங்கப்பட்டுள்ள கலைக்கல்லூரியில்
பி.ஏ., தமிழ், பி.காம்., ஆகிய பாடப்பிரிவுகளில் தலா 70 பேர் பி.எஸ்சி.,
கம்ப்யூட்டர் சயின்ஸ் பாடப்பிரிவில் 80 பேர் என மொத்தம் 190 மாணவ,
மாணவிகள் இந்த ஆண்டு சேர்க்கப்பட உள்ளனர். 25 கம்ப்யூட்டர்கள் கொண்ட லேப்
உள்ளது.தற்போதைக்கு முதல்வர் மற்றும் நான்கு அலுவலக பணியாளர்கள் உள்ளனர்.
25ம் தேதிக்குள் அனைத்து பாடங்களுக்கும் விரிவுரையாளர்கள்
நியமிக்கப்படுவார்கள். ப்ளஸ் 2 தேர்வில் துணைத்தேர்வு எழுதி
தேர்ச்சியடைந்தவர்களுக்கும் வரும் 31ம் தேதி வரை விண்ணப்பங்கள்
வழங்கப்பட்டு மாணவர் சேர்க்கை நடக்கிறது.கல்லூரியில் வகுப்புகள்
செப்டம்பர் முதல் வாரத்தில் துவங்க உள்ளது. போதுமான வகுப்பறை கட்டிடங்கள்,
ஆண், பெண் கழிப்பிட வசதிகள் தனித்தனியே உள்ளது. பாப்பாரப்பட்டி கிளை
நூலகத்தின் ஒரு கட்டிடம் கல்லூரிக்கு வழங்கப்பட்டுள்ளது. அதில் கல்லூரி
நூலகம் செயல்பட உள்ளது. முதல் கட்ட கலந்தாய்வில் 64 பேரும், இரண்டாம் கட்ட
கலந்தாய்வில் 33 பேரும் என மொத்தம் 97 பேர் இதுவரை
சேர்க்கப்பட்டுள்ளனர்.இவ்வாறு அவர் கூறினார்.* எம்.காம்., கூட்டுறவு பாட
பிரிவு துவக்கம்: தர்மபுரி அரசு கலைக்கல்லூரியில் நடப்பாண்டு முதல்
எம்.காம்., கூட்டுறவு பாடப்பிரிவு துவங்கப்பட்டுள்ளது. வரும் 30ம் தேதி
வரையில் மாணவர் சேர்க்கை நடக்கிறது. இத்தகவலை கல்லூரி முதல்வர் ராஜாராம்
தெரிவித்தார்.