மருதமலையில் அர்ச்சனை கட்டணம் உயர்வு

நவீன் · நவீன் Thu Aug 19, 2010 12:31 pm

கோவை: கோவையில் அறிவிக்கப்படாமல் அர்ச்சனை கட்டணம் திடீரென
உயர்த்தப்பட்டுள்ளது. மருதமலையில் சுப்ரமணிய சுவாமி கோவில் நிர்வாகம்,
சுவாமி தரிசனம் செய்ய செல்லும் பக்தர்களின் அர்ச்சனை கட்டணத்தை, முன்
அறிவிப்பின்றி உயர்த்தியுள்ளது. பெரும்பாலான கோவில்களில் அர்ச்சனை கட்டணம்
இரண்டு ரூபாயாகவே உள்ளது. மருதமலை சுப்ரமணிய சுவாமி கோவிலில் மட்டும்
பிப்., 2009ம் ஆண்டு அர்ச்சனை கட்டணம் மூன்று ரூபாயாக உயர்த்தப்பட்டது.
அர்ச்சனைக்கு பெறப்படும் மூன்று ரூபாய் கட்டணத்தில் 60 பைசா
அர்ச்சகருக்கும், 30 பைசா பூசாரிக்கும், ரூ.2.10 திருக்கோவிலுக்கும்
செல்கிறது. தற்போது எவ்வித முன்னறிவிப்புமின்றி ஆக., 1ம் தேதியிலிருந்து
அர்ச்சனை கட்டணம் ஐந்து ரூபாயாக உயர்த்தப்பட்டுள்ளது. இதில்,
அர்ச்சகருக்கு 1 ரூபாயும், பூசாரிக்கு 50 பைசாவும், மீதமுள்ள ரூ.3.50
திருக்கோவிலுக்கும் போய் சேருகிறது. கோவை நகரில் அரசால் நேரடியாக
இயக்கப்படும் எந்த கோவிலிலும், அர்ச்சனை கட்டணம் ஐந்து ரூபாய்
வசூலிக்கப்படுவதில்லை. மருதமலையில் மட்டும் அர்ச்சனை கட்டணம் ஐந்து ரூபாய்
உயர்ந்துள்ளது. உயர்த்திய கட்டணத்தைக் குறைத்து, பழைய கட்டணத்தையே
வசூலிக்க வேண்டும் என பக்தர்கள் கோரியுள்ளனர். மருதமலை கோவில் மேலாளர்
ஆறுமுகம் கூறியதாவது: கோவில் வருவாயை பெருக்க, அர்ச்சனை கட்டணத்தை அரசு
உயர்த்தியுள்ளது. கட்டணம் உயர்த்த ஆட்சேபனைகளைத் தெரிவிக்க, அறிவிப்பு
பலகையில் எழுதியிருந்தோம். எதிர்ப்பு அதிகம் இல்லாததால், கட்டணம்
உயர்த்தப்பட்டுள்ளது. கட்டணம் நிர்ணயிப்பதும், குறைப்பதும் அறநிலையத்துறை
கமிஷனர் தான் செய்ய வேண்டும். பக்தர்கள் கோரிக்கையை அரசுக்கும்,
அறநிலையத்துறை அமைச்சருக்கும் எழுதி அனுப்பி வைக்கலாம். மாற்றம் செய்ய
உத்தரவு வந்தால், செய்யத் தயாராக உள்ளோம். இவ்வாறு ஆறுமுகம் தெரிவித்தார்.

மருதமலையில் அர்ச்சனை கட்டணம் உயர்வு

மருதமலையில் அர்ச்சனை கட்டணம் உயர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக