பெத்த மகனை ரூ. ஒரு லட்சத்திற்கு விற்க முயன்ற தந்தை

by நவீன் Thu 19 Aug 2010 - 13:54

மதுரை:

மதுரையில் ஒரு லட்சம் ரூபாய்க்கு விற்க முயன்றதாக, தந்தை மீது சிறுவன்
போலீஸ் ஐ.ஜி.,யிடம் புகார் கூறினார். மாவட்ட குற்றப்பிரிவு போலீசார்
விசாரிக்க உத்தரவிடப்பட்டுள்ளது.மதுரை உசிலம்பட்டியை சேர்ந்தவர்
செந்தில்ராஜா. இவரது மனைவி ரோகிணி. இவர்களுக்கு எட்டு ஆண்டுக்கு முன்,
திருமணம் நடந்தது. இவர்களுக்கு இரண்டு மகன்கள். வறுமை காரணமாக மூத்த மகனை
ஆதவற்றோர் இல்லத்தில் சேர்த்தனர்.
மது போதைக்கு அடிமையான செந்தில்ராஜா, குடிக்க பணம் இல்லாததால் வரதட்சணை
கேட்டு ரோகிணியை சித்ரவதை செய்து வந்தார்.இளைய மகன் ராஜரோசனை (7) ஒரு
லட்சம் ரூபாய்க்கு விற்க, செந்தில்ராஜா தீவிரமாக இருந்தார். அதற்கான
பத்திரத்தில் கையெழுத்து போட்டுத்தரும்படி, ரோகிணியிடம் கேட் டார். அவர்
மறுக்கவே, அவரது காதை அறுத்தார். ராஜரோசனுடன் ரோகிணி வீட்டை விட்டு
வெளியேறினார்.
பாதுகாப்பு தரும்படி, மாவட்ட நீதிபதி என். ரத்தினராஜிடம்
முறையிட்டார்.அவரது உத்தரவுப்படி, மாவட்ட சட்டப்பணிகள் ஆணைக்குழு
வக்கீல்கள் மோகன்தாஸ், முத்துக்குமார் ஆகியோர் ரோகிணி, ராஜரோசனை, போலீஸ்
ஐ.ஜி., கிருஷ்ணமூர்த்தியிடம் அழைத்து சென்றனர். செந்தில்ராஜா மீது
நடவடிக்கை எடுக்கும்படி புகார் அளித்தனர். இதுகுறித்து விசாரணை நடத்த,
மாவட்ட குற்றப்பிரிவு போலீசாருக்கு ஐ.ஜி., உத்தரவிட்டார்.

by அன்பு தளபதி Thu 19 Aug 2010 - 13:55

மது ஒழிப்பை முன்னிறுத்தும் அய்யாவுக்கு சதி அரசியல் பார்க்கம ஒத்துழைப்பு கொடுக்கணும்

பெத்த மகனை ரூ. ஒரு லட்சத்திற்கு விற்க முயன்ற தந்தை

பெத்த மகனை ரூ. ஒரு லட்சத்திற்கு விற்க முயன்ற தந்தை

Re: பெத்த மகனை ரூ. ஒரு லட்சத்திற்கு விற்க முயன்ற தந்தை