மருத்துவமனையில் மது குடித்தவர்களை தட்டிகேட்ட டாக்டருக்கு பீர் பாட்டில் குத்து

by நவீன் Thu Aug 19, 2010 12:23 pm

கமுதி:

கமுதி கால்நடை மருத்துவமனை வளாகத்தில் மதுமயக்கத்தில்
இருந்தவர்கள், டாக்டரிடம் தகராறு செய்து பீர்பாட்டிலால் குத்தினர். கமுதி
கால்நடை மருத் துவமனையில் டாக்டராக பணிபுரிபவர் வெள்ளைச் சாமி. இவர்
அலுவல் காரணமாக சம்பத்தன்று இரவு மருத்துவமனை சென்றார். அப்போது
மருத்துவமனை வளாகத்தில் கோவிலாங்குளத்தை சேர்ந்த விஜயரசன்,காணிக்கூரை
சேர்ந்த குமரேசன் ஆகியோர் மது குடித்துகொண்டு இருந்தனர். இவர்களை வெளியே
செல்லுமாறு டாக்டர் கூற,மது போதையில் இருந்த இருவரும் பீர் பாட்டிலை
உடைத்து, டாக்டர் மீது குத்தினர். அலறிவெளியே ஓடி வந்தபோதும், அவரை
பின்தொடந்து பைக்கில் வந்த இருவரும் பைக் கொண்டு மோதினர். இவரை
அப்பகுதியினர் கமுதி மருத்துவமனையில் சேர்த்தனர். குற்றவாளிகளை கமுதி
போலீசார் தேடி வருகின்றனர்.