தாக்கிய ஆசிரியை மீது வழக்கு மட்டுமே உண்டு; நடவடிக்கை?

by நவீன் Thu Aug 19, 2010 9:05 am

திருநெல்வேலி: பள்ளி மாணவியை தாக்கிய ஆசிரியை மீது நீண்ட தயக்கத்திற்கு
பின் போலீசார் வழக்குபதிவு செய்தனர். தென்காசி கூலக்கடை பஜார்தெருவை
சேர்ந்த பேச்சிமுத்துவின் மனைவி பேச்சியம்மாள். இவர்களது மகள்
காந்தலட்சுமி(12). பேச்சிமுத்து சில ஆண்டுகளுக்குமுன் இறந்துவிட்டார்.
நெல்லையில் உள்ள தனியார் ஆஸ்பத்திரியில் பணியாற்றி வரும் பேச்சியம்மாள்,
தனது மகள் காந்தலட்சுமியை பாளையங்கோட்டையில் உள்ள ஒரு பள்ளியில் ஏழாம்
வகுப்பு சேர்த்துவிட்டார். கடந்த 2ம் தேதி பாத்ரூம் சென்று விட்டு
தாமதமாக வந்ததாக கூறி விளையாட்டு ஆசிரியை ராணி, காந்தலட்சுமியின்
இடதுகையில் பிரம்பால் தாக்கியுள்ளார். இதில் காந்தலட்சுமிக்கு காயம்
ஏற்பட்டது. அவர் விடுதியில் தங்கியிருப்பதால் முறையான சிகிச்சை
அளிக்காததால் அடிபட்ட இடத்தில் ஏற்பட்ட புண் பெரிய அளவில் காயமாக மாறியது.
காயம் ஏற்பட்ட இடத்தில் பாதிப்புபெரிய அளவில் ஏற்படுவதை அறிந்த பள்ளி
நிர்வாகத்தினர் மாணவியின் தாய் பேச்சியம்மாளுக்கு தகவல் தெரிவித்து
வரவழைத்தனர். மாணவி தாக்கப்பட்ட விஷயத்தை தெரிவிக்காமல் டி.சி.,யை
கொடுத்து அனுப்பிவைத்துள்ளனர். மகளுக்கு தாம் பணிபுரியும் ஆஸ்பத்திரியில்
அனுமதித்து சிகிச்சையளித்தார் பேச்சியம்மாள். அவருக்கு கையில் 16 தையல்கள்
போடப்பட்டது. பள்ளி ஆசிரியை அடித்தது குறித்துபள்ளி நிர்வாகம்
பேச்சியம்மாளிடம் முறையாக பதிலளிக்கவில்லை. இதையடுத்து, நெல்லை
துணைகமிஷனர் அவினாஷ்குமாரிடம் புகார் அளித்தார். இரண்டு நாட்களாக எந்த வித
நடவடிக்கை இல்லாததையடுத்து, நேற்று செய்தி வெளிவந்தது. இதையடுத்து
பாளையங்கோட்டை போலீசார் உடற்கல்வி ஆசிரியை ராணி மீது வழக்கு பதிவு
செய்தனர். ஆனால், இதுவரை எந்தவித நடவடிக்கையும் எடுக்கப்படவில்லை.
காந்தலட்சுமியின் படிப்பு பாதியில் நின்றதுதான் மிச்சம்.

by தமிழ் Thu Aug 19, 2010 9:57 am

விடுதி நிர்வாகத்தையும் கொஞ்சம் பாருங்கப்பா. அங்க இருக்குற பொறுப்பாளர் முறையான சிகிச்சை காட்டாதது இந்த அளவுக்கு நிக்குது. அவங்களையும், அடிச்ச டீச்சர் இரண்டு போரையும் உள்ள தள்ளுங்க கொஞ்ச நாளைக்கு. புன்னகை

தாக்கிய ஆசிரியை மீது வழக்கு மட்டுமே உண்டு; நடவடிக்கை?

தாக்கிய ஆசிரியை மீது வழக்கு மட்டுமே உண்டு; நடவடிக்கை?

Re: தாக்கிய ஆசிரியை மீது வழக்கு மட்டுமே உண்டு; நடவடிக்கை?