குழந்தைகளை ஏமாற்றி நகை திருடியவர் கைது

by நவீன் Thu Aug 19, 2010 7:51 am

சிவகாசி:

சிவகாசி, திருத்தங்கல் பகுதிகளில் குழந்தைகளை ஏமாற்றி நகை
திருடியவரை போலீசார் கைது செய்தனர்.சித்துராஜபுரம் சுலோச்சனா, போஸ் காலனி
வேல்முருகன், திருத்தங்கல் பாண்டியன் நகர் ஆனந்தராஜ், கே.கே. நகர்
காளிராஜன், சாட்சியாபுரம் சந்திரசேகரன் ஆகியோர் வீடுகளில் 25 பவுன் நகை
திருடுபோனது.டவுன் இன்ஸ்பெக்டர் ராமசுப்பு, எஸ்.ஐ.,க்கள் ராஜேஸ் கண்ணா,
முருகன் தலைமையில் தனிப்படை அமைத்து விசாரித்தனர். இரவில் ரோந்து பணியில்
சந்தேகப்படும் வகையில் திரிந்த திருத்தங்கல் சொக்க நாடார் சந்து தெருவை
ராஜகோபால் மகன் தவநேசன் (31) என்பவரை பிடித்து விசாரித்தனர். இவர்
குழந்தைகளை காவலுக்கு வைத்துவிட்டு செல்லும் வீடுகளை நோட்டுமிட்டு
வந்தார். குழந்தைகளை பணம் கொடுத்து வெளியே அனுப்பி விட்டு வீடு புகுந்து
நகை திருடியது தெரியவந்தது. இவரிடமிருந்து 25 பவுன் பறிமுதல் செய்யப்
பட்டது. எஸ்.பி., பிரபாகரன், டி.எஸ்.பி., முருகேசன் ஆகியோர், திருட்டை
கண்டுபிடித்த எஸ்.ஐ., மற்றும் போலீசாருக்கு வெகுமதி வழங்கினர்.எஸ்.பி.,
பிரபாகரன் கூறியதாவது: வ.புதுப்பட்டியில் இரு பிரிவினரிடையே ஏற்பட்ட
கலவரம், கொலை வழக்குகளில் சம்மந்தப்பட்டவர்கள் 50 பேரை கைது செய்துள்ளோம்.
சிலரை தேடி வருகிறோம். தனியார் செக்யூரிட்டி நிறுவனம் நடத்துபவர்கள்
ஆக.,31க்குள் சம்பந்தப்பட்ட போலீஸ் ஸ்டேஷன்களில் பதிவு செய்ய வேண்டும்.
வெளிமாநிலங்களில் இருந்து தொழிலாளர்களை வேலைக்கு அழைத்து வரும்
நிறுவனங்கள் அந்த தொழிலாளர்கள் பற்றிய முழுவிபரங்கள் சேகரித்து
வைத்திருக்க வேண்டும், என்றார்