[b] கனவில் தோன்றிய கடவுள்[/b].

by **T.N.Balasubramanian** Thu Aug 19, 2010 5:02 am

சிறியதோர் முன்னுரை,புரிந்து ரசிப்பதற்கு.

உறவினர் நால்வர் நாங்கள்,
புரிந்தோம் பயணம் நட்பு "ராதா" ஊருக்கு.(-கோவை அருகே.)
பரிந்துரைத்தார் பக்கத்தே உள்ள கோயில்களை,பார்க்க.
வர நினைத்தும், வரமுடியா சூழ்நிலை,அவருக்கு,நம் கூட.
கார் ,ஓட்டுனர்,செல்லவேண்டிய இடங்கள்,உணவகம்கள்,
வசதிகள் பல செய்ததால்,பார்த்தோம் பல க்ஷேத்திரங்கள் .
குல தெய்வம் வெங்கடாசலபதி ,ஹனுமார்,(ஜக்கி வாசுதேவ்)-
த்யானலிங்கம்,மருத மலை,வழியில் பார்த்த பட்டிச்வரம், முதலியன.
மனம் மகிழ்ந்து, நன்றி கூற,எழுதி
அத்தினம் சமர்ப்பித்த கவிதை ,
இத்தினம் உங்கள் பார்வைக்கு.)
ரமணீயன்.

கனவில் தோன்றிய கடவுள்.
முதல் தினம்.

இஷ்ட தெய்வம் வெங்கடாசலபதி தர்சனம் காலையில்,
அஷ்டாம்ஸ ஹநுமந் தர்சனம் அதன் பிறகு,
கிட்டிவந்தார் பட்டிஸ்வரம் சிவனும் போகும் வழியில்,
திட்டப்படி தியானலிங்க தர்சனம் முன்மதியத்தில்,
இட்டப்படி மருதமலை முருகன் தர்சனம் பின்மதியத்தில்,
மருஇல்லா பெருஉருவில், கணபதி தர்சனம் மாலையில்.
அரும் தவத்தாலும் கிடைக்கா நிம்மதி அது.

அன்றிரவு

பெருமகிழ்ச்சியில் , நித்திரையில் ஆழ,
கனவொன்று கண்டேன்.
கற்சிலைகளில் கடவுளைக்கண்டு,
நற்செயல்கள் பலவும் புரிய, அருள் வேண்டியதில்
அகம் மகிழ்ந்து கடவுளும், கனவில் தோன்றினாரோ ?
மயக்கவைக்கும் முகம், தடித்ததோர் புத்தகம் கையிலே:
தயக்கத்தோடு பார்க்கையிலே,படிக்கக் கொடுத்தார் ஆர்வம் அறிந்து.
முத்தான எழுத்துக்கள் முதல் பக்கத்தில்,
" எந்தன் ஆசிப்பெற,கோவில்களில்
வந்தனை செய்து மனமார துதித்தோர் பட்டியல்"
நாள் எல்லாம் கடவுளை தர்சித்து,
நலம் பலரும் ,பெற அவரை வணங்கிய,
நால்வர் பெயரைத் தேடினேன்.
தேதிவாரியாக அன்பர்கள் பெயர்,
பீதியுடன் தேடுகையில்,
கடைசி பக்கத்தில்,
கடைசி நால்வர், நாங்கள்.!!
கனிந்தது உள்ளம்.
கடவுளும் மறைய,கனவும் கலைந்தது.

அடுத்த நாள், இரவு.

கடவுள் வருவாரா கனவில்?
கனிவான அருள் தருவாரா ?
கடவுளை வேண்டி கண்களை மூட,
கடவுளும் தோன்றினார், கவர்ச்சிப் புன்னகையுடன்,
கையில் ஓர் காகிதத்துடன்.
கடவுளின் அருள் பெற்றவர் பட்டியல் அது.
"புண்ணியம் சேர்க்க எண்ணியவர்களுக்கு,
அசதிகள் சிறிதும் பாராது,
வசதிகள் பல செய்திட்ட அன்பர்களே,
என் அருள் பெற்றவர்கள்" என ,
காகிதத்தை நீட்ட,
பாக்கியமும் அதுவே என, அதை
நோக்கியவுடன்,
இன்ப அதிர்ச்சி, இறைவனின் தேர்வில்.
அன்பு" ராதாவின்" பெயர் முதலில்.

ரமணீயன்