சென்னை பள்ளி மாணவர்களுக்கு சீருடையுடன் டை, அடையாள அட்டை

by நவீன் Tue Aug 17, 2010 7:29 pm

சென்னை :

சென்னை துவக்கப் பள்ளி, நடுநிலைப்பள்ளிகளில் மாணவர் சேர்க்கையை அதிகரிப்பது தொடர்பாக தலைமை ஆசிரியர், பள்ளி ஆசிரியர்களுடன் கலந்தாய்வு கூட்டம் நேற்று தி.நகரில் உள்ள சர்.பிட்டி தியாகராயர் கலையரங்கத்தில் நடந்தது. மாநகராட்சி கல்வி அலுவலர் மாதவன் பிள்ளை வரவேற்றார். மாநகராட்சி துணை ஆணையர் (கல்வி) பாலாஜி தலைமைதாங்கினர். கூட்டத்தில் மேயர் மா.சுப்பிரமணியன் பேசியதாவது:மாநகராட்சி பள்ளி என்று இருந்ததை சென்னை பள்ளி என்று பெயர் மாற்றம் செய்யப்பட்டதன் மூலம் மாணவர்களின் எண்ணிக்கை அதிகரித்துள்ளது.ஒரு லட்சத்து 4 ஆயிரத்து 92 மாணவ & மாணவிகள் உள்ளனர். இந்த எண்ணிக்கையை மேலும் 50 ஆயிரம் உயர்த்தவேண்டும்.2010&2011ம் கல்வியாண்டு முதல் சென்னை பள்ளியில் படிக்கும் மாணவர்களுக்கு சீருடையுடன் ‘டை’ வழங்குவதோடு, ஐடி கார்டு (அடையாள அட்டை) வழங்கப்படும். 25 பள்ளிகளில் ஆங்கில வழி கல்வி உள்ளது.கூடுதலாக மேலும் 15 பள்ளிகளில் ஆங்கில வழி கல்வி இந்த ஆண்டு அறிமுகப்படுத்தப்படும். 10 பள்ளிகள் ஆற்றல்சார் பள்ளிகளாக இந்த மாத இறுதியில் தரம் உயர்த்தப்படும். சென்னை பள்ளியில் பணிபுரியும் ஆசிரியர்கள் அனைவரும் வரும் விஜயதசமிக்குள் 10 புதிய மாணவர்களை பள்ளியில் சேர்க்க வேண்டும். இல்லையென்றால் வரும் ஆண்டுகளில் தொடக்கப்பள்ளிகளில் மாணவர்களின் எண்ணிக்கை குறையும். இதனால் இருக்கும் ஆசிரியர்களை சரண்டர் செய்ய வேண்டிய நிலை வரும்.இவ்வாறு மேயர் மா.சுப்பிரமணியன் பேசினார்.