சத்யராஜின் நீண்ட நாள் ஆசை

தமிழ் · தமிழ் Thu Aug 19, 2010 4:08 pm

சத்யராஜ் நடிக்கும் 'கௌரவர்கள்' படத்தின் பாடல்கள் வெளியீட்டுவிழா முடிந்த பின் பத்திரிகையாளர்களிடம் பேசிய சத்யராஜ் ''அதிக வசனம் பேசாமல் முகபாவத்திலேயே நடிக்க முடியுமா? என்ற ஆதங்கம் கடந்த இருபது வருடங்களாக எனக்குள் இருந்தது. அது ஒரு கனவு. அந்தக்கனவு ''கௌரவர்கள்'' படத்தின் மூலம் நிறைவேறியிருக்கிறது. இதில் அதிக வசனம் பேசாமல், உணர்ச்சிகளை முகத்திலேயே வெளிப்படுத்தி நடித்திருக்கிறேன். பெரியாராக நான் நடித்தது வாழ்க்கையின் மிகப்பெரும் பாக்கியம். அதைப்போல 'ஒன்பது ரூபாய் நோட்டு' படத்தில் தங்கர்பச்சான் சொல்லிக்கொடுத்தபடி நடித்தேன். அந்த வரிசையில் என் நீண்டகால ஏக்கம் 'கௌரவர்கள்' படம் மூலம் தீர்ந்திருக்கிறது'' என்று பேசியிருப்பதுடன் – “படத்தில் நடித்த மோனிகா குஷ்புவைப்போல அரசியலுக்கு வரவேண்டும்'' என்றும் பேசியிருக்கிறார்.