டிராபிக் மீறல் வசூல் ஒரே மாதம் 5 கோடி

நவீன் · நவீன் Tue Aug 17, 2010 7:05 pm

சண்டிகார்:

சண்டிகாரில், போக்குவரத்து, சுற்றுச்சூழல் விதிமீறல் விஷயத்தில் போக்குவரத்து உட்பட அரசு அதிகாரிகள் கடுமையாக விதிகளைபின்பற்றுகின்றனர்.கடந்த மாதம் மட்டும் போக்குவரத்து விதிமீறலுக்காக வாகனங்கள் மறிக்கப்பட்டு 5 கோடியே 15 லட்சம் ரூபாய் வசூலித்துள்ளனர். பஸ்சில் அதிக பயணிகளை ஏற்றியதாக 350 பஸ்களுக்கு அபராதமாக இரண்டே கால் லட்சம் விதிக்கப்பட்டது.

இந்திய&சீன படை சுதந்திர தின குஷி

ஜம்மு: காஷ்மீரில் இந்திய & சீன எல்லை, லடாக் மலைப்பகுதியில் அமைந்துள்ளது. எல்லையில் இரு நாட்டு எல்லைப்படைகளும் கண்காணிப்பை மேற்கொண்டு வருகின்றன. சுதந்திரதினத்தை ஒட்டி, சீன படையினரும் இந்திய வீரர்களுடன் சேர்ந்து விழாவில் பங்கேற்றனர். இனிப்புகளை பரிமாறிக் கொண்டனர்.

பள்ளியில் சூதாட்டம் ஆசிரியர்களுக்கு காப்புஜாம்நகர்:

குஜராத் மாநிலம் ஜாம்நகர் மாவட்டத்தில் தாராநகர் பகுதியில் உள்ள ஞானகங்கா பள்ளியில் ஆசிரியர்களே சூதாட்டம் நடத்துகின்றனர் என்று போலீசுக்கு தகவல் கிடைத்தது. போய்ப் பார்த்தால், தலைமை ஆசிரியரே இதை நடத்திக்கொண்டிருந்தார். கையும் களவுமாக பிடித்ததில்,சூதாட்டத்தில் வசூலிக்கப்பட்ட 20 ஆயிரம் ரூபாய் பணம், ஆறு மொபைல் போன்கள், 5 மோட்டார் பைக் ஆகியவற்றையும் பறிமுதல் செய்தனர். சூதாட்டம் நடத்திய தலைமை ஆசிரியர் உட்பட 8 ஆசிரியர்கள் இப்போது கம்பி எண்ணிக் கொண்டு இருக்கின்றனர்

.ராஜ்யசபா வெப்சைட் திடீர் மக்கர்

புதுடெல்லி:

ராஜ்யசபா எம்.பி. விஜய் மல்லையா வெப்சைட்டை ‘பாகிஸ்தான் சைபர் ஆர்மி’ என்ற பெயரில் ஒரு கும்பல் ‘ஹேக்’ செய்து அதில், பாகிஸ்தான் கொடியை பறக்க விட்டுள்ளது. அவர் வெப்சைட் மட்டுமல்ல, ராஜ்யசபா அதிகாரப்பூர்வ வெப்சைட்டும் நேற்று முன்தினம் ‘மக்கர்’ செய்தது.‘சுதந்திர தினத்தை ஒட்டி இப்படி விஷமம் செய்வது வாடிக்கை தான். வெப்சைட்டில் பெரிய அளவில் திருட்டு இல்லை என்பதால் பலரும் பகிரங்கப் படுத்துவதில்லை’ என்று சைபர் தொழில்நுட்ப நிபுணர் விஜய் முகி கூறினார்.

4.5 கோடி தொழிலாளர்க்கு வங்கிக் கணக்கு துவக்கம்

மும்பை:
மகாராஷ்டிர மாநிலத்தில், அன்றாடம் கூலி வாங்குவோர் உட்பட அமைப்பு சாரா தொழிலாளர்கள் நாலரை கோடி பேருக்கு வங்கிக் கணக்கு துவக்கி தர அரசு புது திட்டத்தை அமல்படுத்தியுள்ளது. இதன்படி, அடுத்த ஒன்றரை ஆண்டுகளில் 2 கோடி பேருக்கு வங்கிக்கணக்கு துவக்கப்படும். மாதம் 3 ஆயிரம் ரூபாய்க்கு மேல் ஊதியம் வாங்குவோர் இந்த திட்டத்தில் சேர்க்கப்படுவர்.

டிராபிக் மீறல் வசூல் ஒரே மாதம் 5 கோடி

டிராபிக் மீறல் வசூல் ஒரே மாதம் 5 கோடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக