அரிய சமணர் குகைகள் விஷமிகளால் சீரழிப்பு

மேலூர்:

தமிழகத்தில் கிடைத் துள்ள கல்வெட்டுகளிலேயே காலத்தால் முற்பட்ட
கல்வெட்டுகள், மேலூர் அருகில் உள்ளது. பாதுகாக்கப்பட வேண்டிய இப்
பொக்கிஷத்தை சில விஷமிகள் சீரழித்து வருகின்றனர்.கி.மு., மூன்றாம்
நூற்றாண்டை சேர்ந்த பிராமி கல்வெட்டுகள் மதுரை மாவட்டம் மேலூர் அருகில்
உள்ள மீனாட்சிபுரத்தில் கண்டறியப்பட்டது. இங்குள்ள மலை பகுதியின்
மேற்புறத்தில் ஒரு பெரிய குகை உட்பட நான்கு குகைகள் உள்ளன. அதில் 60 பேர்
அமர்ந்து பாடம் படிக்கும் சமணர் பள்ளி இருந்துள்ளது. இங்குள்ள குகைகளில்
ஆறு இடங்களில் பிராமி கல் வெட்டுக்கள் அமைந்துள் ளன. மதுரையை தலைநகராக
கொண்டு பாண்டிய நாட்டை ஆட்சி செய்த நெடுஞ் செழியன் பெயர் இக்
கல்வெட்டுகளில் காணப்படுகிறது. இம் மன்னனின் அதிகாரிகள் கடலன் வழுதி,
இளஞ்சடிகன், சடிகன் சேர்ந்து நந்த சிரிகுவன் எனும் சமண துறவிக்காக இச் சமண
படுகையை வடிவமைத்துள்ளனர்.
இத்துடன் முத்து வியாபாரி அஸூதன், நத்திய் என்ற துறவி, சந்தரிதன்,
வெள்ளறை நிகமத்தார் எனும் வணிகக் குழு பற்றியும், இக் கல் வெட்டுகளில்
காணப்படுகிறது.மூன்றாம் நூற்றாண்டை சேர்ந்த இக் கல்வெட்டுக்கள்,
தமிழகத்தில் கிடைத்துள்ள பிராமி கல்வெட்டுகளிலேயே காலத்தால் முற் பட்டவை
என்று, தொல்லியல் துறை அறிவித்துள் ளது. போற்றி பாதுகாக்கப்பட வேண்டிய இப்
பொக்கிஷத்தை சில விஷமிகள் சேதப்படுத்தி வருகின்றனர். சமண படுகைகளில்
தங்கள் பெயர் மற்றும் கட்சி சின்னங்களை செதுக்கி வைத்துள்ளனர்.
இத்துடன்பாதுகாப்புக்காக மலைமீது போடப் பட்டுள்ள வேலிகளை
உடைத்து,சேதப்படுத்தி உள்ளனர். அரிய வரலாறுகளை அறிந்து கொள்ள உதவும் இது
போன்ற கல் வெட்டுக்களை, பாதுகாக்க வேண்டியது ஒவ்வொருவரின் கடமையாகும்.

பாதுகாக்கப்பட வேண்டிய பொக்கிஷங்கள்.
அரசு சற்று முனைப்பு காட்டினால் நன்றாக இருக்கும்.

அறிய தகவல் நன்றி நவீன் சார்!