Latest topics

10-ம் வகுப்பு தனித்தேர்வர்கள் விண்ணப்பிக்கலாம்: ஆக.20 கடைசி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

10-ம் வகுப்பு தனித்தேர்வர்கள் விண்ணப்பிக்கலாம்: ஆக.20 கடைசி

Post by நவீன் Tue Aug 17, 2010 6:56 pm

வேலூர்,

10-ம் வகுப்பு பொதுத் தேர்வு எழுத தனித்தேர்வர்கள் விண்ணப்பிக்கலாம் என்று
அரசுத் தேர்வுகள் மண்டலத் துணை இயக்குநர் அலுவலகம் தெரிவித்துள்ளது. இதுகுறித்து அரசுத் தேர்வுகள் மண்டலத் துணை இயக்குநர் இரா.சந்திரசேகரன் திங்கள்கிழமை விடுத்துள்ள செய்திக் குறிப்பு:
வரும் செப்டம்பர் மற்றும் அக்டோபர் மாதங்களில் நடைபெறவுள்ள
எஸ்.எஸ்.எல்.சி.,மற்றும் ஓ.எஸ்.எல்.சி., பொதுத் தேர்வுகளுக்கு
தனித்தேர்வர்களிடம் இருந்து விண்ணப்பங்கள் வரவேற்கப்படுகின்றன.
செவ்வாய்க்கிழமை (ஆகஸ்ட் 17) முதல் வரும் 20-ம் தேதி வரை விண்ணப்பப்
படிவங்களை இவ்வலுவலகத்தில் நேரில் பெற்றுக் கொள்ளலாம். தேர்வுக் கட்டணம் ரூ.125. தேர்வுக் கட்டணத்தை கரூவூல செலுத்துச் சீட்டு மூலம் செலுத்தி அசல் கருவூல ரசீதை இணைத்து அனுப்ப வேண்டும். 20-ம்
தேதிக்குப் பின் செலுத்தும் தேர்வுக் கட்டணமும், பெறப்படும்
விண்ணப்பங்களும் ஏற்றுக் கொள்ளப்பட மாட்டாது. விண்ணப்பங்களை இந்த
அலுவலகத்தில் 20-ம் தேதிக்குள் நேரிலோ (அ) தபாலிலோ சேரும்படி அனுப்ப
வேண்டும் என்று அவர் தெரிவித்துள்ளார்.

நவீன்: வி.ஐ.பி; பதிவுகள் : 4665
இணைந்தது : 29/05/2009