களைகட்டுகிறது இந்தியன் ஆப்பிள் சீசன்

நவீன் · நவீன் Tue Aug 17, 2010 6:42 pm

சென்னை:

இந்தியன் ஆப்பிளின் விளைச்சல் அதிகரித்துள்ளதால், கோயம்பேடு
மார்க்கெட்டிற்கு அதன் வரத்து அதிகமாகி சீசன் களைகட்டியுள்ளது. கோயம்பேடு
மார்க்கெட்டிற்கு, இமாச்சலபிரதேசத்தில் இருந்து இந்தியன் ஆப்பிள்
வரத்துள்ளது. குறிப்பாக இமாச்சல பிரதேசத்தின் பராக், ஜுபால், ரோரூர்
உள்ளிட்ட இடங்களில் பயிரிடப்படும் ஆப்பிள்கள், மார்க்கெட்டிற்கு கொண்டு
வரப்படுகின்றன. கடந்த 40 ஆண்டுகளுக்கு பின், இந்த ஆண்டுதான்
அப்பகுதிகளில் ஆப்பிள் விளைச்சல் அதிகரித்துள்ளது. இதனால் கோயம்பேடு
மார்க்கெட்டிற்கு கடந்த ஆண்டை காட்டிலும், இரண்டு மடங்காக அதிகமாக வரத்து
அதிகரித்துள்ளது. மார்க்கெட்டிற்கு தினமும் 300 டன்னுக்கும் மேலாக ஆப்பிள்
வரத்துள்ளதால், அதன் விலையும் ஆரம்பத்திலேயே அதிரடியாக குறைந்துள்ளது.
நேற்றைய நிலவரப்படி, கிலோ ஒன்றுக்கு பெரிய ஆப்பிள் 85 முதல் 90 ரூபாய்
வரையும், சிறிய ஆப்பிள் 70 ரூபாய்க்கும் விற்கப்படுகிறது. பொதுவாக ஆகஸ்ட்
மாதம் இவ்வகை ஆப்பிளின் சீசன் தொடங்கி, டிசம்பர் மாதம் வரை நீடிக்கும்.
ஏழை, பணக்காரன் என இல்லாமல் அனைத்து தரப்பு மக்களும் வாங்கிச் சாப்பிடும்
வகையில், இந்தியன் ஆப்பிளின் விலை குறைந்துள்ளது. கோயம்பேடு மார்க்கெட்
ஆப்பிள் மொத்த வியாபாரி மணிவண்ணன் கூறுகையில், "வரும் வாரங்களில் இந்தியன்
ஆப்பிளின் வரத்து அதிகரித்து, அதன் விலை மேலும் குறைய வாய்ப்புள்ளது. இந்த
வருடம் விளைந்த ஆப்பிள்களின் சுவை கூடியுள்ளதால், இந்த வகை ஆப்பிளை
வியாபாரிகள் கேட்டு வாங்கிச் செல்கின்றனர்' என்றார்.

களைகட்டுகிறது இந்தியன் ஆப்பிள் சீசன்

களைகட்டுகிறது இந்தியன் ஆப்பிள் சீசன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக