பெரிய பிரபலங்களின் வரிசையில் மகன் பெயர்: மந்திரி பரூக் திருப்தி

நவீன் · நவீன் Tue Aug 17, 2010 8:09 pm

புதுடில்லி:காஷ்மீர் முதல்வரும், தன் மகனுமான ஒமர் அப்துல்லாவுக்கு
அளிக்கப்பட்ட பாதுகாப்பு ஏற்பாடுகள் "பயனற்றவை' என்று, மத்திய அமைச்சர்
பரூக் அப்துல்லா விமர்சித்துள்ளார். ஆனாலும் ஷூ வீச்சில் இடம் பெற்ற பெரிய
பிரபலங்களின் வரிசையில் தன் மகன் இடம்பெற்றதில் திருப்தி அடைந்ததாக
தெரிவித்தார்.
மத்திய புதுப்பிக்கத்தக்க எரிசக்தித்துறை அமைச்சர் பரூக் அப்துல்லாவின்
மகன் தான்,காஷ்மீர் மாநில முதல்வர் ஒமர் அப்துல்லா. சுதந்திர தினத்தன்று
நடந்த நிகழ்ச்சியில் ஒமர் மீது ஒரு போலீஸ் அதிகாரி தன் "ஷூ'வை
வீசியெறிந்தார். இச்சம்பவத்தில் பாதுகாப்பு ஏற்பாடுகளில் கவனக் குறைவாக
இருந்ததாக 15 போலீஸ் அதிகாரிகள் சஸ்பெண்ட் செய்யப்பட்டனர்.

இந்நிலையில்,
இதுகுறித்து செய்தியாளர்களுக்குப் பேட்டியளித்த மத்திய அமைச்சர் பரூக்
அப்துல்லா கூறியதாவது:இச்சம்பவம், காஷ்மீர் முதல்வருக்கு வழங்கப்பட்ட
பாதுகாப்பு ஏற்பாடுகள் பயனற்றவை என்று காண்பித்து விட்டது.அமெரிக்க
முன்னாள் அதிபர் ஜார்ஜ் புஷ், மத்திய உள்துறை அமைச்சர் சிதம்பரம்,
பாகிஸ்தான் அதிபர் சர்தாரி மற்றும் சில முக்கிய பிரமுகர்கள் மீது இதேபோன்ற
தாக்குதல் நடந்தது. அந்த முக்கிய பிரமுகர்கள் வரிசையில் தற்போது ஒமர்
அப்துல்லாவும் சேர்ந்து விட்டார்.
காஷ்மீரில் தற்போதுள்ள நிலையை எதிர்த்து தொடர்ந்து போராடுவோம். அதை
விட்டு ஓடிப் போய்விட மாட்டோம். காஷ்மீர் மாநிலம் இந்தியாவின் ஒரு பகுதி.
பிரிவினைக்கு நான் ஒருபோதும் ஆதரவளித்ததில்லை. வாழ்ந்தால் எங்களுடன்
வாழுங்கள். இல்லையேல் எங்களுடனேயே மூழ்கி விடுங்கள்.இவ்வாறு பரூக்
அப்துல்லா தெரிவித்தார்.

பெரிய பிரபலங்களின் வரிசையில் மகன் பெயர்: மந்திரி பரூக் திருப்தி

பெரிய பிரபலங்களின் வரிசையில் மகன் பெயர்: மந்திரி பரூக் திருப்தி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக