கற்பழிக்க வந்ததை தட்டிக்கேட்டதால் ஊரைவிட்டு ஒதுக்கிவைப்பு

ராமநாதபுரம்:

ராமநாதபுரம் மாவட்டம் முதுகுளத்தூர் அருகே சூரங்குளத்தில் மகளை கற்பழிக்க
முயன்றதை கண்டித்த தந்தைக்கு , ஆதரவாக இருந்த 13 குடும்பங்களை ஊரை விட்டு
ஒதிக்கி வைத்துள்ளனர்.
மகிண்டி ஊராட்சி சூரங்குளத்தில் ஒரே சமுதாயத்தை சேர்ந்த ஏராளமானோர்
வசித்து வருகின்றனர். அவ்வூரின் பாண்டியன் மகள் யசோதா எட்டாம் வகுப்பு
படித்து வந்தார். கடந்த 2007 நவ.,24ல் தனது தோட்டத்தில் நின்று
கொண்டிருந்த போது, அதே ஊரை சேர்ந்த மூக்கையா மகனான மாணவர்
பாலதண்டாயுதபாணி(18) யசோதாவை கற்பழிக்க முயற்சி செய்தார். ஆடைகள்
கிழிக்கப்பட்ட நிலையில், தப்பி வந்த யசோதாவை மீட்ட அவரது பெற்றோர்கள்,
ஊராரிடம் முறையிட்டனர். அன்று நடந்த கிராம கூட்டத்தில், "பாண்டியலை பொறுமை
காக்குமாறும், இன்னும் 15 நாட்களில் பெண்ணுக்கு நஷ்டஈடு தருவதாகவும்,'
உறுதியளித்துள்ளனர். குறிப்பிட்ட நாள் முடிந்த நிலையில் மீண்டும் சென்ற
போது, அவரது உறவினர்கள் அனைவரும் சேர்ந்து கொண்டு பாண்டியனை மிரட்டினர்.
இது குறித்து கீழத்தூவல் போலீசில் புகார் செய்தபோது, போலீசாரும்
கண்டுகொள்ளவில்லை. சம்மந்தப்பட்டவர்கள் மீது பாண்டியன் கோர்ட்டில் வழக்கு
தொடர்ந்தார். இதனால் , அதிக ஆதரவாளர்களை கொண்ட பாலதண்டாயுதபாணியின்
குடும்பத்தினரால், பாண்டியனின் குடும்பம் ஒதுக்கிவைக்கப்பட்டது.
அவருக்கு ஆதரவாக செயல்பட்ட 12 குடும்பங்களும் தள்ளிவைக்கப்பட்டன.
இதனிடையே , பாண்டியனின் மூத்தமகளுக்கு கடந்த 2009 மே 18ல் ஊரில் திருமணம்
நடந்தது. இதற்காக அங்குள்ள கோயிலுக்கு பொங்கல் வைக்க சென்ற போது, சாவியை
தர மறுத்தனர். தொடர்ந்து ஊரில் நடக்கும் கோயில் விழாக்கள், முளைப்பாரி,
கிருஷ்ணஜெயந்தி போன்றவற்றுக்கும் 12 குடும்பங்களை சேர்ந்தவர்களுக்கும்
அழைப்பு மறுக்கப்பட்டன. ஆத்திரமடைந்த பாண்டியன், ராமநாதபுரம் கலெக்டர்
அலுவலகத்தில் நடந்த மக்கள் குறைதீர்க்கும் நாள் கூட்டத்தில் பங்கேற்று
புகார் தெரிவித்தார். பாண்டியன் கூறியதாவது: ஊரில் பாலதண்டாயுதபாணி
உறவினர்கள் தான் அதிகம் என்பதால், எங்களை மிரட்டி பார்க்கின்றனர்.
போலீசாரின் ஆதரவும் அவர்களுக்கு தான் உள்ளது. எனது மகளை கற்பழிக்க
வந்ததற்கு நியாயம் கேட்டதால் என்னுடன் சேர்ந்து, 12குடும்பங்கள் தவித்து
வருகின்றன, என்றார்.

அடபாவி, மக்க, இப்படியுமா நடக்கும் :அடபாவி: