மோசடி நிறுவனத்திடமே "செக்' மோசடி

நவீன் · நவீன் Tue Aug 17, 2010 6:14 pm

சென்னை:

மோசடி புகாரில் சிக்கியுள்ள "கோல்டு குவெஸ்ட்' நிறுவன செக்குகளை திருடி 54
லட்சம் ரூபாய் மோசடி செய்த இருவரை, மத்திய குற்றப்பிரிவு போலீசார் கைது
செய்தனர். முதலீட்டாளர்களுக்கு இரட்டிப்பு பணம் தருவது உள்ளிட்ட
கவர்ச்சிகரமான திட்டங்களை அறிவித்ததுடன், அவர்களுக்கு தங்க நாணய
திட்டங்களையும் "கோல்டு குவெஸ்ட்' நிறுவனம் அறிவித்தது. இதை நம்பி
தமிழகம் முழுவதும் ஆயிரக்கணக்கானோர் முதலீடு செய்தனர். திட்டத்தின் படி
அறிவித்த தொகையை முதலீட்டாளர்களுக்கு "கோல்டு குவெஸ்ட்' நிறுவனம் தராததால்
போலீசில் முதலீட்டாளர்கள் புகார் அளித்தனர். கோர்ட் உத்தரவுப்படி, தற்போது
தனி நபர் செட்டில்மென்ட் கமிஷன் மூலம் முதலீட்டாளர்களின் புகார்கள்
பெறப்பட்டு, அவர்களுக்கு பணம் திரும்ப கிடைக்க நடவடிக்கை எடுத்து
வரப்படுகிறது. இந்நிலையில், அந்த "கோல்டு குவெஸ்ட்' நிறுவனத்தையே மூவர்
ஏமாற்றி பணத்தை மோசடி செய்துள்ளது அம்பலமாகியுள்ளது. "கோல்டு குவெஸ்ட்'
நிறுவன செக் மூலம் 54 லட்சம் ரூபாய் பணம் மோசடி செய்யப்பட்டுள்ளதாக
அந்நிறுவன அதிகாரி புஷ்பேந்திர சுக்லா என்பவர் மத்திய குற்றப்பிரிவு
போலீசில் புகார் அளித்தார். புகாரின் பேரில் போலீசார் விசாரணை நடத்தி,
பம்மலை சேர்ந்த சதீஷ்குமார் (32), பெரம்பூரை சேர்ந்த அருண்குமார் (29)
ஆகிய இருவரை பிடித்து விசாரித்தனர். விசாரணையில், தங்களிடம் கிடைத்த
"கோல்டு குவெஸ்ட்' நிறுவனத்தின் இரண்டு செக்குகள் மூலம் 54 லட்சம் ரூபாய்
பணத்தை அந்நிறுவன அதிபர்கள் அப்பளம் நாயுடு மற்றும் புஷ்பம் ஆகியோரது
கையொப்பத்தை போட்டு எடுத்ததாக கூறியுள்ளனர். மேலும், அந்த பணத்தை கொண்டு
இரண்டு ரியல் எஸ்டேட் நிறுவனம் மற்றும் ஒரு வெளிநாடு சுற்றுலா நிறுவனம்
நடத்தி வருவதாகவும் அந்த நிறுவனத்திற்கு உரிமையாளராக மாதவ பிரகாஷ் (33)
என்பவர் இருப்பதாகவும் தெரிவித்தனர். தொடர்ந்து, மத்திய குற்றப்பிரிவு
போலீசார் இருவரையும் கைது செய்தனர். இதில் தொடர்புடைய மூவரும் "கோல்டு
குவெஸ்ட்' நிறுவனத்தில் பணியாற்றவில்லை என்று கூறப்படுகிறது.
அப்படியிருக்கும் போது இவர்களுக்கு பூர்த்தி செய்யப்படாத செக் எப்படி
கிடைத்தது என்பது குறித்து விசாரணையை துவக்கியுள்ளனர். இதில், தலைமறைவாக
உள்ள மாதவ பிரகாஷ் சிக்கினால் இதற்கு விடை கிடைக்க வாய்ப்புள்ளது என்பதால்
அவரை தேடி வருகின்றனர்.
மேலும், "கோல்டு குவெஸ்ட்' நிறுவனத்தின்
முன்னாள் பணியாளர்கள் யாருக்கேனும் இந்த மோசடியில் தொடர்பிருக்குமா
என்றும் விசாரித்து வருகின்றனர்.

மோசடி நிறுவனத்திடமே "செக்' மோசடி

மோசடி நிறுவனத்திடமே "செக்' மோசடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக