நட்பே உன் வயதென்ன??

மஞ்சுபாஷிணி · மஞ்சுபாஷிணி Thu Aug 12, 2010 2:03 pm

நட்பே உன் வயதென்ன ??

நட்புக்கு வயதுண்டா
வயது முதிர்ந்து
மூப்பு தொடர்ந்து
ஊன்று கோலுடன்
கண்பார்வை மங்கி
காது மந்தமாகி
செரிக்க முடியாத உணவை
என் தோழனே
உன் நினைவுகள்
செரிக்கிறதே....

என்னை காண வருவாயா
முதிர்ந்த கிழவியாயினும்
உன் தோழியல்லவா நான்
சண்டையிட்ட நாட்கள்
கோபமுடன் முகம் திருப்பி
அமரும்போதெல்லாம்
என்னை வெறுப்பேற்றியே
சிரிக்க வைப்பாயே நண்பா

என் பேரப்பிள்ளைகளுக்கும்
நண்பர்கள் உண்டுடா
நான் கொண்ட நட்பை
வாய் பிளந்து பார்த்தனர்
எங்கே நீயென கேட்டனர்

எங்கே நண்பா நீ
இந்த தோழியின் நினைவு
உனக்கும் வருவதுண்டா?
என்னை போல நீயும்
நம் நட்பு கொண்ட நாட்களை
அசை போடுகிறாயா
உலகை விட்டு மறையுமுன்
ஒரே ஒரு முறை
என் கண்பார்வை மங்கி போகுமுன்
ஒரே ஒரு முறை
உன்னை பார்க்கும் சந்தர்ப்பம்
மீண்டும் வருமா நண்பா?

**பிளேடு பக்கிரி** · 01/03/2010

நட்பிற்காக வடித்த கவிதை அருமை அக்கா நட்பே உன் வயதென்ன?? 677196

கலைவேந்தன் · கலைவேந்தன் Thu Aug 12, 2010 8:12 pm

நட்புக்கான கவிதையில் நெகிழ்ந்தேன் மஞ்சு...அந்த நட்புக்குரியவர் கண்டிப்பாகக்கொடுத்து வைத்தவர்தான்...

மறைந்து போனதாய் எண்ணியிருந்த நட்பு மீண்டும் முகிழ்க்கும்போது உண்டாகும் மகிழ்ச்சி அலாதிதான்...

அந்த அலாதி மகிழ்ச்சியை இக்கவிதையில் கண்டேன்...

வாழிய உங்கள் நட்பும் அன்பும்...

பாராட்டுக்கள் மஞ்சு...!

**கா.ந.கல்யாணசுந்தரம்** · 28/02/2009

நட்பு என்பது எழுபிரவியிலும் தொடர்வது. அழிவில்லாதது.
நினைவு, கனவு என தொடர்ந்து ..... ஏன்.....மரணத்தின் வாயிலிலும் நட்புக்காக அந்த ஆன்மா பிரியாமல் காத்திருக்கும். 'முதல் மரியாதை' திரைப்படத்தில் இதைக் காணலாம்.

பிரித்து எழுதி
பொருள்கூற முடியாது...
நட்பின் இலக்கணம்!

எனது இந்த ஹைக்கூ பாராட்டுதல்களைப் பெற்ற ஹைக்கூ கவிதைகளில் ஒன்று.

மஞ்சு அவர்களே உங்களின் கவிதை இனிமையும் உயிர்ப்பும்
உள்ளது. கண்பார்வை மங்கினாலும் அன்பிற்கு உண்டோ அடைக்கும் தாழ்?

ஜனித்தபின் மரணம் ஒன்றுதான் இந்த மானுடத்தின் முடிவு.
வாழ்க்கையோடு அன்பானவர்களின் நட்பில் இந்த ஆன்மா
முழுமையான சுகமடைகிறது.

......கா.ந.கல்யாணசுந்தரம்.

kalaimoon70 · kalaimoon70 Fri Aug 13, 2010 4:32 pm

நட்பின் அன்பு பொக்கிஷமாய் உங்களிடம் ....

உங்கள் நட்பின் நடப்பு கவியில் .அருமை தோழியே ........ மகிழ்ச்சி

**சிவா** · **சிவா** Fri Aug 13, 2010 4:58 pm

Kaa Na Kalyanasundaram wrote:நட்பு என்பது எழுபிரவியிலும் தொடர்வது. அழிவில்லாதது.
நினைவு, கனவு என தொடர்ந்து ..... ஏன்.....மரணத்தின் வாயிலிலும் நட்புக்காக அந்த ஆன்மா பிரியாமல் காத்திருக்கும். 'முதல் மரியாதை' திரைப்படத்தில் இதைக் காணலாம்.

பிரித்து எழுதி
பொருள்கூற முடியாது...
நட்பின் இலக்கணம்!

எனது இந்த ஹைக்கூ பாராட்டுதல்களைப் பெற்ற ஹைக்கூ கவிதைகளில் ஒன்று.

மஞ்சு அவர்களே உங்களின் கவிதை இனிமையும் உயிர்ப்பும்
உள்ளது. கண்பார்வை மங்கினாலும் அன்பிற்கு உண்டோ அடைக்கும் தாழ்?

ஜனித்தபின் மரணம் ஒன்றுதான் இந்த மானுடத்தின் முடிவு.
வாழ்க்கையோடு அன்பானவர்களின் நட்பில் இந்த ஆன்மா
முழுமையான சுகமடைகிறது.

......கா.ந.கல்யாணசுந்தரம்.