திருப்புவனம் பகுதிகளில் ரேசன் கடைகளில் தரமற்ற அரிசி விநியோகம்: கலெக்டரிடம் பொதுமக்கள் புகார்

திருப்புவனம்,


திருப்புவனம்
பஞ்சாயத்து யூனியனை சேர்ந்தது அச்சங்குளம் பஞ்சாயத்து. இந்த கிராமத்தை
சேர்ந்த பொதுமக்கள் சிவகங்கை கலெக்டர் அலுவலகத்திற்கு நேரில் வந்து மாவட்ட
கலெக்டர் மகேசன் காசி ராஜனிடம் கோரிக்கை மனு கொடுத்தனர்.

அந்த மனுவில் கூறியுள்ளதாவது:-

அச்சங்குளம்
கிராமத்தில் உள்ள ரேசன் கடையில் பொதுமக்களுக்கு வழங்கப்படும் அரிசி
மிகவும் மோச மானதாகவும், சமைத்து சாப்பிட முடியாத நிலையில் உள்ளது. இது
குறித்து நாங்கள் பலதடவை சம்பந்தப்பட்ட அதிகாரிகளுக்கு தெரிவித்தும்
எந்தவித நடவடிக்கையும் எடுக்கப்படவில்லை.

எனவே தற்போது ரேசன் கடையில் வழங்கப்படும் அரிசியை மாற்றிவிட்டு வேறு நல்ல அரிசி வழங்க நடவடிக்கை எடுக்க வேண்டும். இவ்வாறு அந்த மனுவில் அவர்கள் கூறியிருந்தனர்.

மேலும்
அந்த கிராமத்தை சேர்ந்த பெண்களும், ஆண்களும் தங்களுக்கு வழங்கப்பட்ட ரேசன்
அரிசியை கொண்டு வந்து கலெக்டரி டம் காண்பித்தனர். இதே போன்று சிவகங்கை
நகரில் உள்ள ரேசன் கடைகளில் வழங்கப்படும் அரிசியும் தரமற்றதாக
இருப்பதாகவும் அரிசி, சீனி உள்ளிட்ட அத்தியாவசிய பொருட்கள் அனைத்தையும்
ஒரே சமயத் தில் வழங்குவதாகவும் அத்துடன் வேறு பொருட்கள் வாங்க சொல்லி
கடைக்காரர்கள் வற்புறுத்து வதாகவும் பொதுமக்கள் புகார் கூறியுள்ளனர்.

சமீபத்தில்
சிவகங்கை பகுதிக்கு வந்த உணவுத் துறை அரசு செயலர் சண் முகம் ரேசன்
கடைகளில் பொதுமக்கள் தேவையான பொருட்களை வாங்கி கொள்ளலாம் என்றும்,
கூடுதலாக எதையும் வாங்கும்படி வற்புறுத்தக் கூடாது என்று உத்தரவிட்டு
இருந்தார். எனவே அதிகாரிகள் ரேசன் கடைகளில் சரிவர கண்காணித்து நடவடிக்கை
எடுக்க வேண்டும் என்று பொதுமக்கள் தெரிவித்தனர்.