155 ஆண்டு பழமையான நீராவி என்ஜின் ரெயில் ஓடியது; பொதுமக்கள் உற்சாக வரவேற்பு

சென்னை,

ரெயில்வே துறை எவ்வளவோ வளர்ச்சி அடைந்து விட்டது விரைவில் அதிவேக புல்லட் ரெயிலையும் பார்க்கப் போகிறோம். இருந்தாலும்
ஆரம்ப காலத்தில் ஓடிய ரெயிலை பார்க்கும் போது மனதில் உற்சாகம் பிறக்கிறது.
அந்த வகையில் இந்தியாவில் 100 ஆண்டுகளுக்கு முன்பு ஓடிக் கொண்டிருந்த
நீராவி என்ஜின் இப்போது காட்சி பொருளாகி விட்டது.

சென்னையில்
இந்த பாரம்பரிய சிறப்பு ரெயிலை பொதுமக்கள் பார்வைக்காக சுதந்திரதினமான
இன்று இயக்குவதற்கு ரெயில்வே துறை முடிவு செய்தது. அதன் படி சென்னை
சென்ட்ரல் ரெயில் நிலையத்தில் 11-வது பிளாட்பாரத்தில் நீராவி என்ஜின்
நிறுத்தப்பட்டிருந்தது.

2
பெட்டிகள் இணைக்கப்பட்டிருந்த இந்த ரெயிலை பார்க்க ஏராளமான பொதுமக்கள்
திரண்டிருந்தனர். பலர் ரெயிலின் முன்பு நின்று போட்டோ எடுத்துக் கொண்டனர்.
ஏராளமான பயணிகள் செல்போனிலும், படம் எடுத்துக் கொண்டனர்.

தென்னக
ரெயில்வே பொது மேலாளர் தீபக்கிருஷன் கொடி அசைத்ததும் நீராவி என்ஜின்
புகையை கக்கியபடி ஊ... ஊ... என்ற இரைச்சலுடன் புறப்பட்டது. அப்போது நீராவி
என்ஜினிலிருந்து தண்ணீர் பன்னீர் துளிகள் போல் சிதறி சுற்றி நின்றவர்கள்
மீது சிதறி விழுந்தது.

சிறுவர்கள்
முதல் பெரியவர்கள் வரை கைதட்டி மகிழ்ச்சி ஆரவாரம் செய்தனர். சென்ட்ரலில்
இருந்து ஆவடி வரை வழி நெடுக அனைத்து ரெயில் நிலையங்களிலும் நின்று
சென்றது. எல்லா ரெயில் நிலையங்களிலும் பொதுமக்கள் திரண்டு நின்று
வரவேற்றனர். நீராவி என்ஜின் 132 குதிரை திறன் கொண்டது. 20 முதல் 40 கிலோ
மீட்டர் வேகத்தில் செல்லும். சென்னையில் இன்று இயக்கப்பட்ட நீராவி என்ஜின்
1855-ல் உருவாக்கப்பட்டது.

1909-ல்
இந்த ரெயில் நிறுத்தப்பட்டது. அப்போதெல்லாம் மரக்கட்டையில் சிறிய அளவில்
ரெயில் பெட்டிகள் வடிவமைக்கப்பட்டிருக்கும். ஒரு பெட்டி 10 மீட்டர்
அகமும், 5 டன் எடை கொண்டதாக இருக்கும். பெட்டிகளில் படுக்கை வசதி
கிடையாது. நீராவி என்ஜின் மெதுவாக ஊர்ந்து செல்லும்.

இப்போது
நமது ரெயில்வே மிகப் பெரிய வளர்ச்சி அடைந்து வருகிறது. ரெயில் என்ஜின் இழு
வைத் திறன் 9 ஆயிரம் குதிரை திறன் கொண்டதாக உள்ளது. ஒரு பெட்டி 23 மீட்டர்
நீளமும், 37 டன் எடையும் கொண்டது. பழைய ரெயிலை பார்த்ததும் இப்போதைய
ரெயிலுடன் ஒப்பிட்டு புகழ்ந்தனர்.

சென்னையிலும் ஒரு காலத்தில் இந்த ரெயில் ஓடியது. அதை பார்க்காதவர்கள் தற்போது இந்த ரெயிலை பார்த்து ஆச்ச ரியம் அடைந்தனர்.

நிகழ்ச்சியில்
கூடுதல் பொது மேலாளர் ஸ்ரீவத்சவா, கோட்ட மேலாளர் அனந்தராமன், சென்ட்ரல்
ரெயில் நிலைய மேலாளர் கோவிந்தசாமி ஆகியோர் கலந்து கொண்டனர்.