கருணாநிதியுடன் திருமாவளவன் சந்திப்பு: பிறந்தநாள் வாழ்த்து பெற்றார்

by நவீன் Tue Aug 17, 2010 4:40 pm

சென்னை,
விடுதலை சிறுத்தை கட்சி தலைவர் தொல்.திருமாவளவன் இன்று தனது
48-வது பிறந்த நாளையொட்டி கோபாலபுரம் சென்று முதல்- அமைச்சர் கருணாநிதியை சந்தித்தார். அவருக்கு
கருணாநிதி சால்வை அணிவித்து பிறந்த நாள் வாழ்த்து தெரிவித்தார். இந்த
சந்திப்பின்போது திருமாவளவனுடன் ரவிக்குமார் எம்.எல்.ஏ., திருமாவளவனின்
தனிச் செயலாளர் பாவலன், செய்தி தொடர்பாளர் வன்னியரசு ஆகியோரும் உடன்
சென்றிருந்தனர்.

பின்னர் அம்பேத்கார் மணிமண்டபம் சென்ற திருமாவளவன் அங்கு மலர்மாலை வைத்து மரியாதை செலுத்தினார்.

ஜிம்கானா
கிளப் அருகில் உள்ள காமராஜர் சிலை, பெரியார் திடல், கோயம்பேடு அம்பேத்கார்
சிலைக்கும் மாலை அணிவித்து மரியாதை செலுத்தினார்.

முன்னதாக மயிலாப்பூரில் உள்ள சி.எஸ்.ஐ. காது கேளாதோர் பள்ளிக்கு சென்று உணவு வழங்கினார்.

அதன்பிறகு
வேளச்சேரி யில் உள்ள தாய்மண் அறக்கட்டளை அலுவலகம் சென்ற திருமாவளவனுக்கு
முக்கிய பிரமுகர்கள், கட்சி நிர்வாகிகள் பலர் பிறந்தநாள் வாழ்த்து
தெரிவித்தனர்.

பொதுச்
செயலாளர் சிந்தனை செல்வன், கலைக்கோட்டுதயம், பொருளாளர் முகமதுயூசுப்,
வன்னியரசு, பாவரசு, பாவலன், ஆர்வலன், வீரமுத்து, வள்ளியூர் வீரக்குமார்,
இளஞ்செழியன், ரவிக்குமார், கல்வி பொருளாதார விழிப்புணர்வு இயக்கம்
சார்பில் கோட்டைக்காடு ஏ.துரை, பள்ளிக்கரணை வீரமணி, இளஞ்சேகுவாரா,
பாண்டியன், பிரேம்குமார், நன்மாறன் உள்பட ஏராளமான பிரமுகர்கள்
திருமாவளவனுக்கு வாழ்த்து கூறினார்கள்.