ஆப்கானிஸ்தானில் காதல் ஜோடியை கல்லால் அடித்து கொன்ற தலிபான்கள்

காபூல்,

கடந்த
2001-ம் ஆண்டு தலிபான்கள் ஆதிக்கத்தில் ஆப்கானிஸ்தான் இருந்தது. அப்போது
அங்கு பெண் களுக்கு எதிராக கடுமை யான சட்டங்கள் நடை முறைப்படுத்தப்பட்டன.

அவர்கள் வீட்டை விட்டு தனியாக வெளியே வரக் கூடாது. குடும்பத்தைச் சேர்ந்த
ஆடவருடன்தான் வர வேண்டும். திருமணத்துக்கு முன்பே காதல் மற்றும் செக்ஸ்
உறவு கூடாது.

அவ்வாறு
நடந்தால் பொதுமக்கள் மத்தியில் அவர்கள் கல்லால் அடித்து கொலை
செய்யப்படுவார் கள் என்பன போன்ற கொடூர சட்டங்கள் கொண்டு வரப்பட்டன.
தற்போது ஆப்கானிஸ்தான் தலிபான் களின் பிடியில் இருந்து விடுவிக்கப்பட்டு
மக்களால் தேர்ந்தெடுக்கப்பட்ட ஆட்சி நடைபெறுகிறது.

இருந்தும்
அங்கு சமீப காலமாக இது போன்ற அட்டூழியங்களில் தலிபான் கள் ஈடுபட்டு
வருகின்றனர். கடந்த சில நாட்களுக்கு முன்பு காதலில் ஈடுபட்ட பெண் கல்லால்
அடித்து கொல்லப்பட்டார். தற்போது அது போன்ற சம்பவம் மீண்டும் அங்கு
அரங்கேறி உள்ளது.

வடக்கு
ஆப்கானிஸ் தானில் குண்டூஷ் மாகாணத்தில் தஸ்த்-இ-ஆர்சி மாவட்டத்தில் உள்ள
ஒரு கிராமத்தைச் சேர்ந்தவர் குவாயும் (28) திருமணமான இவர் அதே பகுதியைச்
சேர்ந்த சாதிஹா (20) என்ற பெண்ணை காதலித்தார். இவர்கள் இருவரும் வீட்டை
விட்டு ஓடி விட்டனர்.

நண்பர்கள்
வீடுகளில் தங்கி இருந்தனர். இதை அறிந்த தலிபான்கள் 5 நாட் களுக்கு பிறகு
அவர்களை கண்டு பிடித்து அழைத்து வந்தனர். பின்னர் அவர்கள் தலிபான்கள்
கோர்ட்டு முன்பு நிறுத்தப்பட்டனர்.

அங்கு
அவர்கள் இருவரையும் கல்லால் அடித்து கொலை செய்ய வேண்டும் என தீர்ப்பு
கூறப்பட்டது. இதை தொடர்ந்து கிராம மக்கள் முன்னிலையில் அவர்கள் கல்லால்
அடித்து கொல்லப்பட்டனர். முதலில் சாதிஹா கொல்லப்பட்டார். அதை தொடர்ந்து 30
நிமிடம் கழித்து குவாயும் அதுபோல் கொலை செய்யப்பட்டார்.

இச்சம்பவம்
அப்பகுதி தலிபான்கள் கமாண்டர் களின் உத்தரவின் பேரில் நடந்தது. இந்த தகவலை
தஸ்த்- இ-ஆர்சி மாவட்ட அதிகாரி முகமத் அயூப் அக்யார் தெரிவித்தார். இதற்கு
உலக நாடுகளும், மனித உரிமை அமைப்புகளும் கண்டனம் தெரிவித்துள்ளன.